Opozita shqiptare kërkon modifikimin ose heqjen e masave të reja anticovid

Masat e reja shtrënguese anticovid të Qeverisë, koalicioni ASh-AAA i quan kushtëzime dhe obligime. Këto masa sipas tyre rrisin skepticizmin dhe frikën për vaksinim dhe dëmtojnë ekonominë e vendit. Koalicioni kërkon heqjen ose modifikimin e masave të fundit dhe të krijohen masa të reja në bashkëpunim me profesionistët e fushës.

“Të formohet një komision me punëtor shëndetësorë, me profesorë të fushës të cilët gjithë kohës japin propozime, por edhe parashikime të cilat çdo herë kanë dal ashtu siç e kanë paramenduar ato. Prandaj propozoj që sa më shpejtë këto profesionistë të integrohen”, tha Tateshi.