Partitë opozitare italiane sot parashtruan nismë për votim të mosbesimit të ministrit të Drejtësisë Alfonso Buanfede, i cili është ekspozuar në kritika të ashpra për shkak të lirimit nga burgu të 376 pjesëtarëve të mafies për shkak të rrezikut nga infektimet me koronavirus.
Gjykatat italiane që në fillim të epidemisë liruan qindra mafiozë të moshuar, të cilët vuajnë nga sëmundje kronike, sepse janë “ekspozuar në rrezik nga komplikimet në rast të infektimit me Kovid-19, transmetoi “Gardian”.
Prokurorët, shoqatat anti-mafioze dhe partitë protestuan kundër këtij vendimi, duke u frikësuar se “bosët” mafioz mund ta shfrytëzojnë krizën me pandeminë që të lirohen.
Edhe pse Bonafede javën e kaluar sqaroi se qeveria nuk ka marrë vendim për lirimin e mafiozëve dhe bëri thirrje të rregullave të reja për shqyrtim të sërishëm të lirimit të tyre dhe transferim në arrest shtëpiak, partitë opozitare të qendrës së djathtë e filluan nismën për votim të mosbesimit të ministrit.
Bonafede, anëtar i Lëvizjes “Pesë Yje”, deklaroi se në këtë hap do të thotë “minim të besimit në luftën kundër korrupsionit dhe kundër mafies dhe reformave që i shkurtuan dhe i kanë bërë gjykimet më efikase./MIA