Punonjësit shëndetësorë, të cilët janë në vijë të parë në luftën kundër pandemisë Kovid-19, po paguajnë një çmim të lartë për shëndetin e tyre, paralajmëroi sot Organizata Botërore e Shëndetësisë, duke paraqitur një plan që duhet të ndihmojë në mbrojtjen e tyre më të mirë.
“Kovid-19 ka vënë në rrezik të paparë punonjësit shëndetësorë dhe familjet e tyre”, tha OBSH, duke vërejtur se statistikat, madje edhe ato jo të plota, tregojnë qartë se “shkalla e infeksionit midis punonjësve shëndetësorë është shumë më e lartë se në pjesën tjetër të popullsisë”. “
Punonjësit shëndetësorë përbëjnë rreth tre për qind të popullsisë në shumicën dërrmuese të vendeve dhe më pak se dy për qind tek më të varfrit. Të dhënat e OBSH-së tregojnë se 14 për qind e rasteve Kovid-19 janë të ndërlidhura me to.
“Në disa vende, kjo pjesë arrin 35 përqind,” tha deklarata.
Këshilli ndërkombëtar i infermierëve vlerëson numrin e të vdekurve në disa mijëra nga gjithsej 20.000, edhe nëse shifra zyrtare për 44 vende është 1.097 deri në mes të gushtit.
Rreziqet nuk janë vetëm fizike, qoftë koronavirus apo dhuna ndaj së cilës janë të ekspozuar.
Stresi nga frika e vazhdueshme e sëmundjes, orët e gjata të punës, ndarja nga të dashurit për të mbrojtur veten nga infeksioni, dhe nganjëherë refuzimi dhe armiqësia nga shoqëria kanë pasoja të rënda për shëndetin e tyre.
Sipas një studimi të fundit të cituar nga OBSH, një e katërta e profesionistëve shëndetësorë të anketuar thanë se vuanin nga periudha depresioni dhe ankthi dhe një e treta nga pagjumësia.
Plani me pesë pika i OBSH-së, i prezantuar sot, këshillon krijimin e një sinergjie midis sigurisë së pacientit dhe strategjive të kujdesit shëndetësor dhe zhvillimin e programeve kombëtare për të mbrojtur më mirë profesionistët e kujdesit shëndetësor.
OBSH gjithashtu insiston në mbrojtjen e punonjësve të kujdesit shëndetësor nga dhuna në punë dhe përmirësimin e shëndetit të tyre psikologjik.
Plani thekson nevojën për të mbrojtur punonjësit e shëndetit nga rreziqet fizike dhe biologjike duke siguruar pajisje dhe trajnime të përshtatshme mbrojtëse./MIA