Edhe pse me rreth 20 ditë vonesë, bujqit në rajonin e Tetovës nisën të shkulin patatet.
Bujku Shaban Karimani, së bashku me familjarët dhe punëtorë ditorë, po mbledhin patate në tokat e tij.
Ai tregon për arsyet e vonesës dhe llojet më të preferuara të patates në rajon.
Ai thekson se tregu këtë vit është më i favorshëm se më parë, por pengesë mbetet mekanizimi i vjetër bujqësor, që kërkon më shumë punë dhe ndikon si në cilësi, ashtu edhe në çmim.
Çmimet e patates me shumicë janë rreth 20 denarë për kilogram, ndërsa kultivuesit nuk arrijnë ta shesin me pakicë për shkak të mungesës së kohës.
Karimani përmend gjithashtu se prodhimi varet shumë nga kushtet e motit: këtë vit ishte thatësia e madhe, ndërsa vitin e kaluar breshëri i dëmtoi patatet.