Nga 400 në 200 milionë euro në PBV nga turizmi – “Për turizmin hyrës mund të mësojmë nga Shqipëria”

TË FUNDIT

Nëse në vitin 2019 ishim në një hap për ta thyer rekordin prej 1 milionë turistëve në vend, sivjet vendin tonë e kanë vizituar rreth 140.000 turistë të huaj. Turizmi hyrës, në Bruto Prodhimin Vendor ka marrë pjesë me 400 milionë euro ose 2.8%, kurse këtë vit është përgjysmuar në 200 milionë euro, që i bie 1%.

“Nëse bëjmë krahasim me vitin 2019, i cili ishte vit rekord për turizmin maqedonas, vit më i suksesshëm, rezultatet janë me të vërtetë katastrofike. Në vitin 2020 humbëm 99% të turistëve të huaj dhe këto janë të dhëna zyrtare statistikore, kështu që rezultatet janë zhgënjyese edhe për këtë vit”, tha Vllatko Sulev, kryetar i Asociacionit kombëtar të turizmit hyrës.

Nuk mund të investohet në promovim të turizmit në Maqedoni, kurse rezultatet të vijnë nga jashtë, thotë Sulevi, i cili shton se duhet zbatuar ndryshime sistematike për të pasur rezultate më të mira.

“Më besoni se ne kemi operatorë turistikë të cilët në vitin 2019 kanë realizuar qarkullim prej 10 milionë eurove. Ky është një qarkullim serioz. Ara operojnë edhe në Maqedoni, edhe në Serbi, edhe në Mal të Zi, në të gjithë Ballkanin. Nuk mungon cilësia. Ne si operator turistik maqedonas, 80% e promovimit e drejtojmë kah Maqedonia, kurse 20% kah rajoni. 80% nga përfitimi ynë vjen nga destinacionet ballkanike, kurse 20% nga Maqedonia”, tha më tej Sulev.

Në nivel botëror, turizmi merr pjesë në BPV me 11%. Të mos shkojmë më larg nga Shqipëria fqinje ku turizmi merr pjesë me 20%, nga të cilat 10% vetëm nga qytetet bregdetare. Ne si shtet, thekson Sulevi, kemi kapacitet që turizmi hyrës të marrë pjesë në BPV me të paktën 10%.

MARKETING I PAGUAR POLITIK