Nesër përpjekje e re për konsensus të liderëve të BE-së për krizën ekonomike

TË FUNDIT

Shefat e vendeve anëtare të Bashkimit Evropian (BE) do të mblidhen nesër përmes një video-konference për të përsëritur përpjekjen që të gjejnë kompromis rreth çështjes ndaj krizës ekonomike dhe sociale e cila doli nga pandemia me virusin korona, informon korrespondentja e MIA-s nga Brukseli.

Kryetari i Këshillit Evropian, Sharl Mishell, iu bëri thirrje liderëve që të japin dritë të gjelbër për propozimin e ministrave të Financave për pakon prej 540 miliardë euro dhe një varg mekanizmash mbrojtëse për shpëtim të kompanive private dhe të punëtorëve, që ato të jenë funksionalë deri më 1 qershor të këtij viti.

Në këtë temë pritet marrëveshje.

Por, pengesa kryesore për vendet anëtare të BE-së është çështja rreth Fondit për rimëkëmbje.

Mishelli kërkoi nga liderët që në samit nesër ta miratojnë këtë propozim dhe të sigurojnë mjete të mjaftueshme për këtë fond.

“Për këtë qëllim, propozoj që ta angazhojmë Komisionin Evropian që t’i analizojë nevojat e sakta dhe të japë propozim të përshtatur në sfidën me të cilën përballemi”, qëndron në letrën e Sharrl Mishell deri te 27 liderët e BE-së.

Konkretisht, vendet anëtare duhet të merren vesh jo vetëm për vlerën e këtij fondi por edhe për lidhjen e tij me buxhetin disavjeçar të Unionit, i cili ende nuk është votuar.

Gjatë mbledhjes së djeshme para Parlamentit Evropian, kryetari i Eurogrupit Mario Senteno, theksoi se Fondi për rimëkëmbje, qëllimi i të cilit është që të rifillojë ekonomia evropiane, duhet të ndahet nga negociatat për buxhetin e BE-së 2021-2027.

Ai kërkoi nga BE-ja që të tregohet kreative dhe inovative në gjetjen e “parave të freskëta”, dhe se duke pasur parasysh nevojën urgjente që të vendoset ky fond, vendet anëtare nuk mund të lejojnë përsëritjen e negociatave të mundimshme buxhetore. Ai paralajmëroi edhe se nëse nuk arrihet marrëveshje, disa vende të BE-së do të përballen me hua aq të mëdha sa që e gjithë eurozona do të jetë në rrezik, ngjashëm si me krizën greke.

Vendet anëtare të BE-së janë të ndara në ato të cilat kërkojnë ndarjen e përbashkët të borxheve, për shembull në formë të eurobonove, dhe ato të cilët ashpër kundërshtojnë çfarëdo lloj hapi nga ai tip. Në grupin e fundit bëjnë pjesë Gjermania, e cila ditët e fundit megjithatë tregon shenja të zbutjes së qëndrimeve. f