“Nëse vitin e kaluar ka qenë 22 euro një natë hoteli, këtë vit është 45 euro” – Qamili ankohet për buxhetin e vogël të “Skupi Festivalit”, por premton një edicion të fuqishëm

“Festivali Ndërkombëtar i Teatrove “Skupi Fest” këtë vit vërtetë është shumë i fuqishëm, por shumë më shumë më pak buxhet sesa vitet tjera”.

Kështu është shprehur organizatori i këtij festivali që mbahet në Shkup, Muzbajdin Qamili në emisionin e pasdites në TV21 – “Pastel”.

Nuk dëshiron t’ia drejtojë gishtin askujt, pasi siç thotë, është e turpshme se si askush nuk i pyet se çfarë do të marrin këtë vit dhe çfarë duhet t’i ndihmon.

Ai kritikoi edhe kompanitë e mëdha që fare nuk shprehin interesim për të ndihmuar artin.

“Çdo gjë është shtrenjtuar me 44%. Nëse vitin e kaluar ka qenë 22 euro një natë hoteli, këtë vit është 45 euro. Llogariteni, ne po sjellim produksionin më të madh në Ballkan. Është Teatri Kombëtar “Ivan Vazov”. Po vjen me njërin ndër regjisorët më të mëdhenj në botë… Është e dhimbshme kur ne shkuam t’i ftojmë për të marrë pjesë në festival, drejtori na tha me kënaqësinë më të madhe do të vijmë. Por kur ne u thamë se jeni shumë, ata sërish na thanë mjafton të na sigurinë të fjeturën”, tha Qamili mes tjerash.

Për më shumë rreth Festivalit ndiqeni videon më poshtë: