Në gjendje më të mirë 4 pacientët që ishin kritikë! Deri nesër do të mbeten 99 të lënduar që trajtohen jashtë vendit

Katër pacientët e lënduar në zjarrin në Koçan, që po trajtohen jashtë vendit, e për të cilët dje u tha se janë në gjendje kritike sot janë në gjendje më të mirë, bëri të ditur ministri i shëndetësisë Arben Taravari. Ai po ashtu njoftoi se deri nesër do të zvogëlohet në 99 numri i pacientëve që po mjekohen janë jashtë shtetit.

“Në spitalet e Shkupit mjekohen 24 pacientë prej të cilëve 7 janë në Qendrën Klinike, 8 në spitalin “8 shtatori”, 6 në spitalin e vjetër të qytetit dhe 3 në klinikat private. Prej 24 pacientëve 9 sot të lëshohen në shërim shtëpiak. Nesër në spitalet në Shkup do të mbeten vetëm 15 pacientë. Gjithsej që shërohen jashtë shtetit janë 108, prej të cilëve 8 janë paralajmëruar që do të kthehen, 2 prej Belgjike, 2 prej Austrie, 2 prej Kroacie dhe 2 prej Turqie. Një pacient që po shërohen në Suedi tashmë është në mjekim shtëpiak por do të qëndron edhe disa ditë atje deri sa të kthehet”, tha Arben Taravari.

Ata që tashmë janë lëshuar në shtëpi, janë në gjendje të mirë shëndetësore, tregoi drejtori i Klinikës së Toksikologjisë, Andon Çibishiev.

“Tek ne kishte dy pacientë të cilët fillimisht janë pranuar në ditën e parë apo të dytë. Ato ishin në gjendje stabile, por ne ende nuk ishim plotësisht të kënaqur me referencën e hulumtimit që kishim kryer ndërkohë. Katër pacientë të kthyer nga Spanja na erdhën mbrëmë. Të katër u vëzhguan menjëherë në klinikë dhe u ekzaminuan nga një toksikolog, një anesteziolog konsulent dhe një psikiatër këshillues. Të gjithë morën një terapi. Sot i kemi parë sërish gjatë një vizite, ndërkohë kemi bërë analiza toksikologjike dhe laboratorike”, deklaroi Andon Çibishiev.

Drejtoresha e Klinikës për Kirurgji Plastike dhe Rekonstruktive, Jasmina Gjeorgjievska-Pavllovska, tha se
në spitalin e Koçanit janë duke u dërguar ekipe për pacientët që janë me djegie më të lehtë, me qëllim që të mos udhëtojnë deri në kryeqytet.

“Qëllimi jonë është, ata që janë me më pak djegie, të mos vijnë 2-3 ditë në Shkup, të munden atje të shkojnë për t’u fashuar. Dhe të mos jetë e nevojshme aq shumë materiale dhe instrumente për zgjidhjen e tyre”, u shpreh Jasmina Gjeorgjievska-Pavllovska.

Pavllovska po ashtu apeloi që të pacientët të mos përdorin kreme për djegie që po shiten në rrjetet sociale, sepse nuk e dihet origjina e tyre.