Ndryshimet globale kërkojnë reformim të arsimit, fokus te aftësitë digjitale dhe agjenda e gjelbër

Ministrja e Arsimit dhe Shkencës Vesna Janevska, thotë se të rinjtë duhet të jenë të vetëdijshëm për të ardhmen sepse bota po ndryshohet dhe se mënyra e mësimit duhet të jetë e përhershme.

“Nxënësit tonë patjetër duhet të jenë të vetëdijshëm që për ata është nevojë thelbësore, ajo është jetë dhe sa më shumë aftësi të fitojnë aq më mirë është për ta”, theksoi Vesna Janevska, Ministre e Arsimit dhe Shkencës.

Po çfarë do të bëjnë për përmirësimin e sistemit arsimor?!

“Së bashku me byronë, ne ofruam një kurikul të ri të shkollës së mesme, të cilin u përpoqëm me gjithë mundin tonë ta përmbushnim me nevojat e sotme dhe ne ofruam biznes, drejtësi, sipërmarrje, inteligjencë artificiale, agjendë të gjelbër, ruajtje të mjedisit, pra çdo gjë që është aktualisht prioritet”, tha Vesna Janevska, Ministre e Arsimit dhe Shkencës.

Arben Jusufi, drejtori ekzekutiv dhe bashkëthemelues i Institutit Leoron tha se për disa vite kompanitë do të kenë nevojë për punonjës me aftësi të reja bashkëkohore.

“Ne duhet të fillojmë të dizajnojmë një strategji afatgjate, veçanërisht tani me transformimin e AI që po ndodhin, ne duhet të fillojmë të ndërtojmë edukimin publik, duke pasur në mendje lojën e fundit, dhe loja e fundit është që ajo në 5-10 vjet të gjithë ne, Alkaloidi, Leoroni ose çdo kompani këtu do të kemi komplet nevoja të tjera të punëtorëve, nga pikëpamja e aftësive, pikëpamja e kompetencave, gjuhës aftësive të AI”, u shpreh Arben Jusufi, Drejtor ekzekutiv dhe bashkëthemelues i Institutit Leoron.

Diskutimet me temën “Edukimi i së Ardhmes: Ndërtimi i Liderëve, Mendimtarëve dhe Inovatorëve”, u  bënë në kuadër të Samitit të 14-të  “Maqedonia 2025”