Dy persona kanë ndërruar jetë nga koronavirusi. Një burrë 73 vjeç, pensionist, nga Prilepi i cili më 1 prill është hospitalizuar në repartin infektiv në Shkup dhe një 76 vjeçar nga Klinika për hematologji. Numri i përgjithshëm është 49.
Sipas të dhënave të publikuara nga Ministria e shëndetësisë, ka rënie të numrit të të infektuarve me koronavirus në Shkup , por ka rritje në Kumanovë. Kështu që në 24 orët e fundit, në Shkup janë evidentuar 13 raste, e në Kumanovë 14. Ndërsa në jug-lindje të Maqedonisë, në Prilep, janë regjistruar gjithsej 58 persona, me çka është tejkaluar numri në Dibër, që është 49 të infektuar.
Në klinikën infektive në Shkup janë pranuar edhe 3 pacientë. Gjithsej janë të hospitalizuar 68 pacientë, prej të cilëve 15 janë në oksigjen, ndërsa 8 në ventilim mekanik.
Në spitalin e Manastirit janë pranuar edhe 5 pacientë. Në Shtip, momentalisht në spital janë 13 pacientë, ndërsa 13 të tjerë mbikëqyren nga ana e autoriteteve shëndetësore që mjekohen në kushte shtëpiake.
Ministri i shëndetësisë thotë se në periudhën paraprake janë bërë kontrolle në 49 institucione shëndetësore dhe se askund nuk është vërejtur mungesë e pajisjeve për personelin shëndetësor.
“Me përgjegjësi pohoj se asgjë nuk mungon, ndërsa ka sasi të mjaftueshme në rezerva. Javën e kaluar është bërë inspektim në 79 institucione shëndetësore nga ana e Inspektoratit shtetëror shëndetësor dhe sanitar dhe askund nuk është vërejtur mungesë e pajisjeve. Në mënyrë shtesë, po realizohet furnizim për plotësimin e rezervave për çka është publikuar ftesë për furnizim publik në ueb faqen e Ministrisë së shëndetësisë edhe atë për: 12.000 masa n95 ose standard të ngjashëm, 20.000 skafandër, 500.000 maska kirurgjike, 5.000 vizerë dhe 1.200 skafandër gome”, tha Venko Filipçe, ministër i shëndetësisë.
Në 24 orët e fundit është bërë numër rekord i testimeve, gjithsej 586.