E për situatën në gjyqësor dhe ndodhitë aktuale në Këshillin Gjyqësor është biseduar në takimin mes Ministri i Drejtësisë, Krenar Lloga, Kryetarit të Shoqatës së Gjykatësve, Xhemail Saiti dhe Kryetarit të Trupit Këshillëdhënës për Etikën Gjyqësore, Shpend Devaja. Nga Ministria e Drejtësisë informojnë se në këtë takim pune është theksuar zotimi i përbashkët për intervenime urgjente ligjore në Ligjin për Këshillin Gjyqësor dhe nevojën për vendosje të mekanizmave të dukshëm dhe efikas për vërtetimin e përgjegjësisë eventuale, gjegjësisht tërheqjen e anëtarëve të Këshillit Gjyqësor, gjithnjë duke promovuar mekanizmat e vetërregullimit gjyqësor duke rritur rolin e Shoqatës së Gjykatësve.