NASA vendos, SpaceX do të ndërtojë anijen kozmike që do të çojë njerëzit në Hënë

Nasa ka zgjedhur kompaninë SpaceX të Elon Musk për të ndërtuar një zbarkues që do të dërgojë njerëzit në Hënë, këtë dekadë.

Kjo anije kozmike do të transportojë të tjerë njerëz në sipërfaqe të Hënës nën programin e agjencisë hapsinore Artemis. Një tjetër qëllim i programit është ulja e personit të parë me ngjyrë në Hënë.

Lander-i bazohet në anijen Starship të SpaceX, e cila po testohet në Teksasin jugor.

Vlera totale e kontratës dhënë kompanisë së Musk është 2.89 miliardë dollarë.

“Me këtë çmim, Nasa dhe partnerët tanë do të përfundojnë misionin e parë demonstrues të ekuipazhit në sipërfaqen e Hënës në shekullin e 21-të ndërsa agjencia bën një hap përpara për barazinë e grave dhe kërkimin afatgjatë të hapësirës së thellë”, tha Kathy Lueders, kryetarja i organizatës i eksplorimit. njerëzor.

“Ky hap kritik e vë njerëzimin në një rrugë drejt eksplorimit të qëndrueshëm të Hënës dhe i mban sytë tanë drejt misioneve më larg në Sistemin Diellor, përfshirë Marsin”, shtoi ajo./e.b-abcnews.al