Sprinti i Totenhemit deri në katër më të mirët filloi tejet vonë, pranoi menaxheri i ekipit Zhoze Murinjo, pasi që i lavdëroi lojtarët e tij për formën e tyre pas vazhdimit të kampionatit anglez.
Ekipi nga Londra ka fituar pesë nga tetë ndeshjet e fundit dhe u ngritën në vendin e shtatë në plasman, një pikë prapa Vulverhempton dhe pesë parapa Çellsit, i cili për momentin e kapë kuotën e fundit për turneun më prestigjioz të klubeve. Totenhemi mund të sigurojë vend në Ligën e Evropës me fitore kundër Kristall Pallas sot apo humbje të ujqërve kundër Çellsit.
“Për ne ndeshja me Pallas është barazh për Evropën, kështu që është shumë me rëndësi. Finalja e madhe në të cilën të gjithë duhet të fokusohemi. Ne jemi në formë të mirë dhe më vjen keq që nuk kemi akoma ndeshje deri në fund të sezonit. Për momentin luajmë mirë, nuk kemi të lënduar dhe dukemi si ekip nga top 4. Kur jemi në gjendje të tillë, ne jemi ekip shumë i mirë. Shpresoj se do ta dëshmojmë këtë sezonin e ardhshëm”, theksoi Murinjo për ueb-faqen e klubit.