Morëm hua 700 milion euro, që të kthejmë 500 milion euro!

TË FUNDIT

Maqedonia ka marrë hua prej 700 milion euro.

“Do ta kthejmë borxhin në bazë të eurobondit të tretë i lëshuar në vitin 2014 në vlerë prej 500 milion eurove”, tha Fatmir Besimi – Ministër i Financave.

Ndërsa me 200 milion eurot e mbetura:

 “Fillimisht këto mjete do të orientohen drejt ekonomisë dhe masave shëndetësore për përballjen me krizën dhe rikuperimin e ekonomisë sonë, siç ishin edhe prioritetet kryesore gjatë sjelljes së buxhetit për vitin 2021”, shtoi ministri i Financave, Fatmir Besimi.

Biseduam me konsultantin Sinisha Pekevski, i cili thotë se pikërisht Qeveria e tanishme ishte kundër këtyre bondeve.

 “Kur Qeveria paraprake hynte në borxh për 500 milion euro eurobond, çdo lloj pengesash dhe barrierash, si dhe letra dërgonin deri te Banka botërore, FMN, se nuk duhet të merret eurobond dhe se dëmton renomenë e Maqedonisë. Ndërsa tani aq lehtë e kalojnë këtë proces për marrjen e eurobondit në vlerë prej 700 milion euro”, theksoi Sinisha Pekevski – konsultant.

Për tre vjet, 1.9 miliardë euro janë marrë në eurobond, ndërsa investimet sipas Pekevskit janë vetëm në kapital njerëzorë.

 “Përfitim i drejtpërdrejtë për ekonominë dhe në përgjithësi për standardin e qytetarëve të Maqedonisë është barazi me zero, kështu që nuk e shoh nevojën për marrjen e eurobondit të ri, por menaxhim më i mirë i parave që i kanë në buxhet. Sa e keni të gjatë jorganin, aq duhet të zgjasni edhe këmbët”, theksoi Pekevski.

Qeveria u lëvdua se shkalla e interesit e eurobondit të fundit është më e ulëta nga gjithë tetë eurobondet e mëparshme dhe është 1,625%. Borxhi publik këtë vit do të tejkalojë 63% të BPV ndërsa borxhi shtetërorë në fund të vitit 2021 do të jetë 53,2%.

TË NGJAJSHME