A ekziston rreziku që në kohë të pandemisë të mbesim pa kuadër mjekësor? Punëtorët shëndetësor që janë në vijën e parë të luftës kundër Kovid-19, tashmë janë të lodhur. Një pjesë prej tyre largohen nga Klinika Infektive dhe shpëtim kërkojnë në klinikat private. Se kjo është e vërtetë, këtë e konfirmoi edhe Ministri i shëndetësisë, Venko Filipçe.
“Deri më tani kam informacione se një mjeke infektologe ka dhënë dorëheqje në Klinikën për sëmundje ngjitëse dhe planifikon të punojë në spital privat. Të njëjtën gjë e paralajmëroi edhe mjekja që e udhëheq repartin infektiv në Spitalin 8 Shtatori, nuk e di se a është finalizuar kjo. Bisedova me të por ajo është e vendosur që të largohet”, deklaroi Venko Filipçe – Ministër i Shëndetësisë.
As biseda me njeriun e parë të shëndetësisë nuk ka arritur që t’i bind motrat medicinale nga Klinika Infektive që të vazhdojnë me punë, për të cilat para pak kohe u paralajmërua që duan të largohen nga kjo klinikë.
“Në takimin tonë edhe pse pohonin se nuk do shkojnë në institucion privat, më pas komunikuam edhe një herë dhe përsëri më thanë që duan të largohen nga Klinika”, tha Ministri i Shëndetësisë, Venko Filipçe.
Lodhja nga lufta me Kovid-19, është një prej arsyeve pse kuadri mjekësor largohet nga sektori i shëndetit publik, konfirmoi Filipçe. Është fakt që në periudhën e kaluar kishte transferim të personave mjekësor nga sektori publik në atë privat, theksoi Kryetarja e Shoqatës së motrave medicinale, Gordana Beshlliovska. Shtoi se problemet me motrat medicinale janë të shumta dhe të vjetra.
“Është fakt të cilin e dinë të gjithë nga fella jonë dhe vazhdimisht ndodhin transferime të tilla. Ajo që është shqetësueses për momentin është largimi i kuadrove të larta profesionale, motra të diplomuara. Do të përballemi me deficit jo vetëm të numrit por edhe të cilësisë”, potencoi Gordana Beshlliovska – Kryetare e Shoqatës së motrave medicinale.
Ministri Filipçe pohon se problemi me transferimin e kuadrit mjekësor nga sektori publik në atë privat tërësisht mund të menaxhohet. Kjo nuk është diçka që mund të cenoj sektorin e shëndetit publik në këtë moment, theksoi ministri.