Mini Shengeni me ndryshime të reja, nga nesër lirshëm mund të punojmë në rajon

Shfuqizimi i lejeve të punës dhe procedura më të thjeshta për leje për qëndrim të përkohshëm do të përmbajë memorandumi që nesër do ta nënshkruajnë Maqedonia, Shqipëria dhe Serbia. Të tre palët do të nënshkruajnë edhe Marrëveshje për lehtësimin e tregtisë.

“Kufijtë lehtë vendosen por heqja e kufijve është proces i rëndë. Për fat të keq edhe ne jemi dëshmitarë të kësaj. Nevojiteshin një vit që të vendosen kufij ndërsa 30 vite për tu larguar barrierat për tregtim të lirë. Gjithsesi edhe me procesin e Berlinit, por edhe me nismën për treg të përbashkët rajonal, ne dëshmuam se si shtet jemi aktorët kryesor në mundësimin e këtij tregu të përbashkët rajonal”, deklaroi zëvendëskryeministri Fatmir Bytyqi.

Kryetari i Odës më të madhe ekonomike, Branko Azeski thotë se është kohë për digjitalizim, njohje të dokumenteve dhe fund të kolonave të gjata me kamionë në kufijtë.

“Hapja e Ballkanit, e dyta, mbyllja e së kaluarës, e treta, bashkimi i biznesit të Ballkanit dhe e katërta, zbatimi, zbatimi, zbatimi, ky është i vetmi problem për shkak të së cilit dështojnë këto iniciativa”, tha Branko Azeski nga Oda Ekonomike.

Në samitin e nesërmen do të marrin pjesë përfaqësues të mbi 300 kompanive nga rajoni të Ballkanit perëndimor. Do të nënshkruhet edhe marrëveshje për bashkëpunim në kohë të katastrofave.