Kryeministri Hristijan Mickoski reteroi nga premtimi për shpërbërjen e plotë të Këshillit Gjyqësor dhe Këshillit të Prokurorëve. Ky hap prapa nga qëllimi vjen pas kritikave të ekspertëve të fushës, por edhe një pjesë e ambasadorëve, të cilët theksuan se në mënyrë të tillë pushteti ekzekutiv përzihet në pushtetin gjyqësor.
“Ja tregoni si…Ata ekspertë, të cilët janë kundër kësaj, le të tregojnë si, vetëm të jetë më mirë. Jemi të gatshëm që të bisedojmë, jemi të gatshëm të pranojmë”, tha Hristijan Mickoski.
Sipas Mickoskit, propozimi i tij është kundërshtuar nga ana e atyre që nuk iu konvenon ndryshimi.
“Çfarë propozuam ne? T’i shpërbëjmë, të ndryshojmë ligjin, nëse është e nevojshme edhe Kushtetutën dhe në vend të atyre që kanë rejting prej 2%, vetë prokurorët dhe gjykatësit, jo Qeveria dhe Kuvendi, e as Presidenti, vetë prokurorët dhe gjykatësit të zgjedhin përfaqësues të tyre në këto dy institucione”, tha Mickoski.
Paraprakisht euroambasadori Dejvid Geer, ndërsa pjesërisht edhe ambasadorja amerikane Anxhela Ageller, e kritikuan zgjidhjen e propozuar nga Mickoski. Geer gjithashtu tha se plotësimin i këtij premtimi paraqet shqetësim serioz në Bruksel dhe thirri që të zbatohen rekomandimet e ekspertëve europian për reforma në Këshillin Gjyqësor. Për këtë Mickoski tha se është bërë praktikë që ambasadorët të përzihen në punët e brendshme të shtetit. Këtë qëndrim të tijin e komentoi edhe ambasadorja amerikane Ageller.
“Shpresoj se nuk mendonte për mua”, tha Ageller.
Ageller shtoi se SHBA-të janë partneri më i rëndësishëm strategjik i RMV-së dhe qëllimi i tyre është që të mbështesin vendin, dhe të mos përzihen edhe në punët e brendshme të vendit.