Nga televizioni bullgar “BNT” thonë se është zbardhur misteri i mospërputhjes së listës së të lënduarve në aksident dhe listës së udhëtarëve në autobusin e kompanisë turistike nga Maqedonia e Veriut.
Sipas televizionit, gabimi ka ndodhur në spitalin “Pirogov”.
Përkatësisht, Shadi Nauf al Saleh ka telefonuar në redaksinë e BNT dhe ka shpjeguar se nuk ka lidhje me aksidentin.
“Ai është shtetas bullgar dhe të shtunën është shtruar në repartin e traumës në “Pirogov”, për shkak të frakturës së krahut. Rezulton se në klinikë ai është futur gabimisht në listën e të lënduarve në autostradën “Struma”. Saleh tashmë ka dalë nga spitali”, shkruan BNT.