Më shumë se 60 mijë mërgimtarë janë vetë-regjistruar! Osmani: Me regjistrimin do të mundohemi ta kthejmë diasporën

TË FUNDIT

Më shumë se 60 mijë qytetarë që jetojnë jashtë vendit janë vetë-regjistruar deri më sot. Në vend të parë është Zvicra, ndërsa shumë më i vogël është numri në Kanada dhe Australi, për çka MPJ po ndërmerr aktivitete shtesë për jehonë më të madhe, informoi ministri për punë të jashtme Bujar Osmani.

Numri i të vetë-regjistruarve në diasporë

Zvicra 16.000 ose ¼  e numrit të pritur;

Gjermania 10.000;

Italia 6.000;

Këto janë problemet me të cilët më së shumti përballen qytetarët në diasporë gjatë regjistrimit:

 “Kur do ta regjistrojnë qytetarët numrin e tyre amë, pyetje që vijon është emri i shtetit. Ata e shkruajnë emrin e shtetit ku qëndrojnë për momentin. Atëherë nuk përputhet shteti me numrin amë i cili është nga RMV-ja. Andaj është shumë e rëndësishme në ekranin për shtetin të shkruhet RMV. Vetëm atëherë sistemi do ta njohë numrin amë si numër amë i RMV-së”, tha Bujar Osmani – Ministër i Punëve të Jashtme.

Ministri mendon se jo të gjithë qytetarët e dinë informacionin për regjistrim por edhe rëndësia për të njëjtin.

 “Si Ministri që e mbulon portofolin e diasporës, për herë të parë do të kemi numra të saktë për distribucionin e qytetarëve tanë nëpër botë, për strukturën e tyre. Në bazë të këtyre numrave ne mund t’i krijojmë shërbimet tona, përfaqësitë diplomatike, përfaqësitë konsullore që të mund t’i marrin shërbimet në vendin e banimit. Por, të krijojmë politika që ta nxisim kthimin e tyre në vend. Por edhe ta pengojmë largimin e tyre”, potencoi ministri i Punëve të Jashtme, Bujar Osmani. 

Informacione për Regjistrimin e popullsisë 2021

Numrat telefonik për kontakt për informacione rreth Regjistrimit 2021 pranë Ministrisë për punë të jashtme:

075 268 732 (linjë e rregullt, Viber, WhatsApp)

075 268 734 (linjë e rregullt, Viber, WhatsApp)

075 268 745 (linjë e rregullt, Viber, WhatsApp)

Numra për kontakt nga Enti Shtetërorë për Statistikë

071 48 33 13 (linjë e rregullt, Viber, WhatsApp) – për në gjuhën maqedonase

071 48 32 91 (linjë e rregullt, Viber, WhatsApp) – për në gjuhën shqipe

Vizitën në Itali para pak kohësh, Osmani e shfrytëzoi edhe për t’u bërë thirrje shoqatave tona atje për mobilizim aktiv, për çka fitoi mbështetje. Për nesër paralajmëroi vizitë në Zvicër me qëllim të njëjtë, përveç vizitës së punës. Deri sot janë regjistruar diplomatët dhe familjet e tyre. Regjistrimi i diasporës vazhdon deri më 21 prill.