Mbi 5 muaj pritje për termin për dokumente. Avokati i Popullit: Qytetarëve po u bëhet padrejtësi

Tentuam të caktojmë termin online për zëvendësimin e dokumenteve me emrin e ri të shtetit mirëpo pa sukses. Në mënyrë online, terminet bëhen vetëm në afat prej 60 ditëve të ardhshme ndërsa termine të lira nuk ka deri në muajin shkurt. Tentuam të rezervojmë përmes telefonit.
Numri i caktuar për termine për fotografim nuk hyn në lidhje fare. Siç shihet edhe nga pamjet, linja nuk funksionon. Kështu, qytetarët mbeten në pozitë që pas muajit shkurt, tw mbesin pa dokumente identifikimi.
Harxhimet për zëvendësimin e dokumenteve personale të cilat arrijnë deri në 4000 denarë, duhet t’i mbulojnë vet qytetarët. Kjo sipas tyre, është e padrejtë.

Padrejtësi është normalisht. Po, shteti duhet t’i mbulojë harxhimet, sepse dokumentet vlejnë ende. Nuk duhet t’i ndryshojmë të reja.

Duhet shteti që t’i paguajë ato të gjitha.
Pse? Sepse janë valide dhe kanë afat?
Po, po sepse kanë afat.

Shihni, kam dokument valid, dhe përshkak se shteti ka punët e saja, pse një dokument valid të ma llogaritë si jovalid në afat prej një viti pasi e kam nxjerë. Kështu që po, konsideroj se nuk duhet t’ia paguajmë shtetit.
E për të caktuar termin, qytetarët presin madje mbi 5 muaj.

Dje mezi caktova për në janar. Pas dy orëve thirrje, po përndryshe po tentoj tanimë 15 ditë. 15 ditë thërras që të caktoj, caktova dje rastësisht dhe atë pas dy orëve thirrje.
E kur u’a caktuan terminin?
Termini më 4 janar.

Për çfarë keni caktuar ju termin?
Për letërnjoftim, për pasaportë dhe patentshofer.
Sa kohë pritni për termin?
Mendoj se para një muaji i kam caktuar, duhet diku në shtator, diku në fund të shtatorit.

Se qytetarëve iu bëhet padrejtësi, i këtij mendimi është edhe avokati i popullit, Naser Ziberi.

Qytetarit i bëhet një e padrejtë sepse nuk mund ta shfrytëzojë një dokument personal në afatin e paraparë kur i është dhënë. Bëhet i skadueshëm para afatit që është paraparë në të. Me këtë qytetari detyrohet që të nxjerë dokumente tjera, dhe nxjerja e dokumenteve të reja siç e përmendët dhe ju, ka kosto të caktuar dhe qytetari i ekspozohet harxhimeve plotësuese pa fajin e tij. Dhe kjo nga na tjetër do t’i pamundësojë ato në realizimin e të drejtave dhe obligimeve para institucioneve publike dhe në qarkullimin juridik. Sepse me dokument të skaduar, me letërnjoftim të skaduar, me pasaportë të skaduar, nuk mund të ketë qasje qytetari para shërbimeve publike, nuk mund të udhëton, nuk mund të drejton automjet, e kështu me radhë, tha Naser Ziberi, Avokat i Popullit.

Ziberi shprehet se si institucion kanë bërë thirrje që së paku harxhimet për nxjerrjen e letërnjoftimeve t’i mbulon shteti përshkak se është dokument i domosdoshëm për personat mbi 18 vjeç. Sipas ligjit për letërnjoftim, neni 2 parasheh gjobë prej 200 deri në 400 euro për gjithë ata që nuk posedojnë letërnjoftim. Gjithsesi, sipas ministrit Spasovski, pas shkurtit të vitit të ardhshëm, nuk do të sanksionohen qytetarët që nuk kanë nxjerë dokumentet e reja, por kjo sipas Ziberit, nuk mund të zgjatë deri në pafundësi.

Ziberi paralajmëron se menjëherë pas shkurtit vijojnë zgjedhjet presidenciale, ndërsa shumë qytetarë do ta kenë të pamundur të realizojnë të drejtën e votës, nëse nuk kanë dokumente valide. Përndryshe afati i fundit është shkurti i vitit të ardhshëm ndërsa sipas deklaratave të ministrit Spasovski, deri tani kanë aplikuar rreth 1 milion qytetarë.