Maqedonia ka nevojë për më shumë infermiere! Beshliovska: Janë 9,200, duhen rreth 15,000

Kryetarja e Shoqatës së Infermierëve “Për ne”, Gordana Beshliovska, njoftoi se Maqedonia ka nevojë për më shumë infermiere. Ajo theksoi se gjithsej duhet të jenë rreth 14 deri 15 mijë dhe shtoi se në këtë muaj do të ketë konkurs, me çka pritet t’u rregullohet statusi atyre që janë me kontrata në vepër.

“Në krahasim me atë se sa banorë jemi, duhet të jemi 50% motra medicinale më shumë se sa ky numër që jemi. Të dhënat jo zyrtare nga Instituti i Shëndetit Publik thonë që jemi 9200, dhe nevojat sipas standardeve tona janë diku rreth 14-15 mijë motra medicinale”, tha Gordana Beshliovska, kryetare e Shoqatës së Infermierëve “Për ne”.

Paga e infermierëve me arsim të mesëm është 29-30 mijë denarë, njoftoi Beshliovska.

“Marrëveshjet kolektive veçanërisht i interpretojnë koeficientet. Në primare, sekondare dhe terciare. Dhe të gjithë ata në mënyrën e tyre startojnë me të ardhura personale, të themi një mesatare sipas rangimit, mundet rreth 29-30 mijë denarë tani është paga fillestare, për një motër me përgatitje mesatare”, shtoi tha Gordana Beshliovska, kryetare e Shoqatës së Infermierëve “Për ne”.

Ndryshe shumë infermiere kanë probleme me marrëveshjet kolektive, sepse në spitale nuk u njihet arsimimi. Beshliovska tha se po bëhet përpjekje kjo çështje të rregullohet.