Lufta në Ukrainë, të shtëna afër kufirit me Poloninë

Herët në mëngjes janë hedhur raketa ndaj bazës ushtarake ukrainase në Javoriv. Ky vend është në vetëm 25 km nga kufiri me Poloninë. Sipas autoriteteve, 9 persona  kanë humbur jetën ndërsa mbi 57 janë të plagosur.

 “Ky ishte sulm ajror me raketa. Sipas informacioneve  preliminare  aeroplanët kanë fluturuar nga baza Saratov në Rusi dhe kanë qëlluar pa hyrë në territorin e Ukrainës. Sipas informacioneve preliminare janë hedhur mbi 30 raketa”, theksoi Maksim Kozicki, guvernator rajonal i Lavov-it.

Sulme janë denoncuar edhe në aeroportin Ivano-Frankovsk, po ashtu në Ukrainë perëndimore, jo larg nga kufiri me Poloninë dhe Rumaninë.  Luftimet për Mariupol vazhdojnë. Agjencitë lajmërojnë se separatistët pro rusë kanë arritur të vendosin kontroll në pjesën lindore të këtij qyteti. Të shtunën dështoi evakuimi i banorëve me ndihmën humanitare.

 “Dërgesa humanitare në Mariupol arriti të dielën pasdite. Për shkak të vështirësive gjatë rrugës, konvoji duhej ta kalojë natën në Berdjansk“, theksoi Vollodomir Zelenski, president i Ukrainës.

Pothuajse 13 mijë njerëz janë evakuuar të shtunën ndërsa për të dielën u dakorduan për 14 korridore të gjelbra. Banorët e qyteteve të bombarduara rreth metropolit po arrijnë në Kiev.

Ministria ruse e mbrojtjes pohon se që nga fillimi i luftës janë shkatërruar 3678 shënjestra në Ukrainë. Agjencia ndërkombëtare për energji atomike njoftoi se Ukraina ka informuar se Rusia planifikon të ketë kontroll të përhershme të centralit bërthamor Zaporozhje. Rusia i hedh poshtë akuzat.

Sekretari i përgjithshëm i NATO-s paralajmëroi për krizë të përforcuar humanitare dhe se Rusia mund të përdorë armë kimike.

Presidenti i SHBA-ve, Xho Bajden dha dritë jeshile për dërgesa të reja me armë dhe ndihmë të tjerë në vlerë prej 200 milionë dollarëve për Ukrainë.