Ministri i Drejtësisë, Krenar Lloga nëpërmjet një shkrimi në Facebook është sqaruar se ndryshime e Kodit Penal, të parapara për abuzuesit e fëmijëve – pedofilëve janë miratuar në shkurt të këtij viti dhe të njëjtat nuk parashohin lehtësim të dënimit, po ngritje të të njëjtit, transmeton TV21.
Gjithashtu thotë se është ngritur edhe mosha e fëmijëve. Në abuzues do të dënohet edhe nëse ka keqtrajtuar një 15-vjeçar, jo siç ka qenë deri më tani, deri në moshën 14-vjeçar.
“Gjegjësisht, me këto ndryshime kufiri i moshës së fëmijës që konsiderohet viktimë në këtë vepër penale, nga 14 vjeç (në ligjin e mëparshëm) u ngrit në 15 vjeç, me çka edhe më tej mbron fëmijët nga abuzimi seksual deri në moshë më të madhe.
Kjo do të thotë se, nëse deri në këto ndryshime ky akt mbronte fëmijët deri në moshën 14 vjeç nga abuzimi seksual edhe kur ka pëlqimin e viktimës, tani fëmijët deri në moshën 15 vjeç mbrohen pavarësisht nëse viktima ka hyrë vullnetarisht në marrëdhënie seksuale.
Sa i përket politikës penale, ndryshimet janë bërë duke zgjeruar kuadrin penal dhe tani shkon nga 8 deri në 20 vjet dhe për të përfshirë disa raste kur ka rrethana lehtësuese, gjë që nuk ishte e mundur para miratimit të këtij ligji”, thuhet mes tjerash në njoftim.