Linja kreditore “Kovid 4”, subjektet mund të marrin prej 3 deri në 30 mijë euro kredi pa kamatë

Rreth 10 milionë euro peshon linja kreditore pa kamatë “Kovid 4” që Qeveria po planifikon ta zbatojë ditëve në vijim. Zëvendëskryeministri për çështje ekonomike, Fatmir Bytyqi tregon se me këtë linjë të re parashihet mbështetja e subjektet private mikro, të vogla dhe të mesme, në sektorët më të goditur nga kriza kovid.

“Nga veprimtaritë e targetuara nga shfrytëzuesit e kredive dhe zanatçinjtë që paguajnë detyrimet sipas të ardhurave reale, tregtarët individualë si dhe institucionet shëndetësore private. Lartësia e kredisë do të definohet në varësi të numrit të të punësuarve dhe rënies së të ardhurave (ngjitje) Afati për pagesë do të jenë prej 36 deri në 42 muaj, me 12 muaj periudhë grejs”, tha Bytyqi.

Përskaj linjës kreditore po ashtu parashihet që “Kovid 4” të mund transferohen në grant, tregoi ministri i financave, Fatmir Besimi.

Para së gjithash është për ato ndërmarrje që në 2020-tën kanë pasur së paku 30% rënie të të ardhurave. Drejtori i Bankës për Zhvillim, Kire Naumov tha se me këtë linjë adresohen kërkesat e subjekteve nga sektori i transportit, gastronomisë, turizmit dhe industrisë së eventeve.

“Për kredi nga KOVID 4 mund të aplikojnë subjekte që nuk kanë përdorur mjete nga masa e parë pakoja e 5-të, pra masa për mbështetje financiare për rroga për shkurt dhe mars përmes Drejtorisë për të Ardhura Publike. Më tej, subjekte që nuk kanë përdorur kredi nga “Kovid 3” nga Banka për Zhvillim si dhe subjekte që kanë përdorur kredi nga “Kovid 1” ose “Kovid 2”, por nuk kanë obligime të pazgjidhura në ditën e aplikimit”, deklaroi Naumov.

Shuma totale e kredisë që mund të merret nga “Kovid 4” është 30 mijë euro, ndërsa minimalja 3 mijë euro. Afati i pagesës është deri 3 vjet e gjysmë, duke përfshirë këtu edhe periudhën grejs prej 12 muajsh. Lartësia e kreditit që mund të merret varet nga rënia e të ardhurave të subjektit në vitin 2020, në krahasim me 2019-tën. Aplikimi bëhet online, duke nisur nga 15 korriku. Thirrja publike do të zgjasë 20 ditë. Aplikimet do të shqyrtohen dhe vendoset mbi parimin “shërbehet ai që vjen i pari”.