Lëndët gjyqësore po vjetërsohen shkaku i virusit! Kërkohet metoda e gjykimeve online, por sa janë efikase!?

Covid-19 mund të jetë shkaktarë që disa lëndë në gjykatën Penale të vjetërsohen ose të fillojnë nga fillimi. Kështu deklaroi i pari i gjykatës Penale, Ivan Xholev, i cili theksoi se koronavirusi po ndikon që shumë seanca gjyqësore të anulohen.

 “Megjithatë po, ekziston mundësia që një pjesë e lëndëve të vjetërsohen ose të fillojnë nga fillimi me gjykim  e cila në mënyrë shtesë i komplikon punët”, tha Ivan Xholev – Kryetar i Gjykatës Penale.

Edhe gjykatësja në gjykatën Themelore, Emilja Shopar Jovanova pohon se 2 javëve të fundit ndodhë pothuajse çdo ditë të anulohet nga një seancë për shkak të koronavirusit.

 “Në dy javët e fundit të jem e sinqertë ka disa kërkesa për anulim të seancës. Le të themi nga 7 seanca në ditë  ndodhë që nga një kërkesë në ditë ta kemi për anulim të seancës për shkak të rezultatit pozitiv me koronavirus të njërit nga ndihmësit e palëve në lëndë. Kjo gjë po ndodhë shumë shpesh ditëve të fundit”, u shpreh Emilija Shopar Jovanova – Gjykatëse.

Xholev thotë  se vjetërsimi i lëndëve dhe fillimi i tyre nga fillimi  po i preokupon shumë edhe gjyqësorin  dhe kërkojnë  zgjidhje ligjore nga ana e ekzekutivit.

 “Vazhdimisht po flasim për këtë temë, kërkojmë në një farë mënyrë kjo gjendje të rregullohet nga ana e ekzekutivit ose me sjelljen e ndonjë dekreti të ri, gjë që është e vështirë kur nuk kemi gjendje të jashtëzakonshme ose me sjelljen e ndonjë rregullore e cili normalisht do të ishte vendosur në formë të një ligji e kështu me radhë”, deklaroi Ivan Xholev – Kryetar i Gjykatës Penale.

Për idenë e gjykimeve online, Xholev  thotë se është ide e shkëlqyeshme por për tu realizuar kërkohen ndryshime ligjore  dhe kushte, duke shtuar se jo të gjitha lëndët mund të gjykohen online, përveç atyre kundërvajtëse.

E kryetari i Shoqatës së Gjykatësve, Xhemali Saiti,  thotë se është shumë e vështirë nëpërmjet gjykimit online të sigurohet besueshmëria e procedurës.

“Njëherë duhet intervenim në ligjet procedurale por duhet edhe  të krijohen kushte. Mendoj se në kushte të tilla në një procedurë kontradiktore që po zhvillohet tek ne sidomos në lëndët penale është shumë e vështirë nëpërmjet gjykimit online të sigurohen besueshmëria e procedurës sidomos duke pasur parasysh parimet themelore dhe të ligjit për padi penale. Mendoj se duhet të kërkohet zgjidhje në mënyrë tjetër”, theksoi Xhemail Saiti – Kryetar i Shoqatës së Gjykatësve.

Për idenë online gjykime Saiti thotë se deri tash  nuk kanë biseduar me Ministrinë e drejtësisë, sepse ende është si ide dhe jo diçka konkrete. Xholev shtoi se Penalja nuk posedon mjaftueshëm kompjuterë, projektorë e mjetë tjera, por sipas tij për një ditë 2 deri në 3 lëndë online mund ta organizohen online.