Blinken dhe Borel vepruan si frikacakë dhe u larguan pa u përballur me mua, dhe çdo përpjekje për të treguar se më injorojnë dështon sepse unë isha këtu në hapje duke pirë verë maqedonase ndërsa ata nuk ishin askund. Këtë e theksoi shefi i diplomacisë ruse, Sergej Lavrov, në konferencën e mëngjesit për shtyp të mbajtur para mbylljes zyrtare të Konferencës së OSBE-së, që sot pati ditën e saj të fundit.
“Blinken u largua dhe Borrel u largua. Pse ndodhi kjo? Ndoshta ata besojnë se në këtë mënyrë do të tregojnë synimin e tyre për të izoluar Rusinë. Por unë mendoj se ata vepruan thjesht si frikacakë. Ata kishin frikë nga çdo bisedë e sinqertë e mbështetur me fakte”, tha Sergej Lavrov, ministër i jashtëm i Rusisë.
Lavrov dërgoi mesazh se është Perëndimi ai që ka ndikim në vetë organizatën duke e prezantuar vetëm të vërtetën e tyre. Në atë kontekst ishte edhe deklarata e tij për moton e Konferencës, e cila edhe pse tha se pajtohet me sloganin që e vendosi Osmani për kryesimin e OSBE-së “Bëhet fjalë për popullin”, ai tha se në këtë drejtim nuk është e njëjta gjë për të gjithë njerëzit, por se kjo vlen vetëm për ata për të cilët Perëndimi ka interes.
“ Kryesuesi maqedonas promovoi një slogan shumë të mirë “Bëhet fjalë për popullin”, por dje gjatë drekës së punës u thashë kolegëve një fakt. Unë besoj se ka të bëjë me njerëzit, dua të them të gjithë njerëzit, të gjithë qytetarët e vendeve tona të OSBE-së, madje edhe joanëtare si Letonia dhe Estonia, por ata duket se kujdesen për disa njerëz që aktualisht drejtojnë strukturat e OSBE-së. Të paktën kështu mund të konkludojmë nga reagimet nervoze të kolegëve tanë perëndimorë”, pohoi Sergej Lavrov, ministër i jashtëm i Rusisë.
Lidhur me situatën në Ballkan, Lavrov akuzoi se fuqitë perëndimore po i nxisin shtetet e rajonit që i njëjti të mos jetë stabil. Ai u pyet gjithashtu se si e vlerëson atë që Bullgaria po ia bën Maqedonisë.
“Qytetarët maqedonas kanë të drejtë të plotë për të vepruar në mënyrë të barabartë në të gjitha aktivitetet në kontinentin e përbashkët. Nëse bëjmë një vlerësim të përgjithshëm, jo vetëm për marrëdhëniet Maqedoni-Bullgari, por edhe për problemet e tjera ballkanike, rrënja e problemit qëndron në sjelljen e Perëndimit”, deklaroi Sergej Lavrov, ministër i jashtëm i Rusisë.
Lavrov mbrojti pozicionet ruse në lidhje me agresionin e tyre ndaj Ukrainës. Ai tha se ishte Ukraina ajo që nuk respektoi vendime duke pohuar se i mbrojnë të drejtat e njeriut.