U bënë 2 vjet që nga hyrja në fuqi e Ligjit për përdorimin e gjuhëve, opozitarja VMRO-DPMNE, E Majta, Kongresi botëror maqedonas, nga profesoresha Solza Grçeva dhe Tanja Karakamisheva si dhe qytetarë të ndryshëm ende nuk po mund të pajtohen me këtë fakt. Kryetari i Kushtetueses, Sali Murat tha se që nga 2019 e deri në 2020-të në mënyrë intensive janë dorëzuar iniciativa për vlerësimin e ligjit.
“Nëse e shohim lëndën e dytë, e cila ka rreth 13 iniciativa dhe në të gjitha iniciativat ka më shumë pjesëmarrës, do të bindeni se gjatë gjithë vitit 2019 deri 2020 në mënyrë intensive janë dorëzuar iniciativa për këtë lëndë”, tha Sali Murat – Kryetar i Gjykatës Kushtetuese.
Kryetari i partisë “e Majta”, Dimitar Apasiev kërkon shfuqizimin e ligjit sepse nuk mund të publikohet një ligj pa nënshkrimin e presidentit të shtetit.
“Pyetja është shumë e thjeshtë, a mundet ose jo të publikohet ligj pa nënshkrim të presidentit. Pra, pyetja duhet të bazohet në çështje faktike dhe të vërtetohet nëse ka ose jo nënshkrim dhe në bazë të saj të merret vendimi. Gjykatës Kushtetuese për këtë seancë i janë dashur pothuajse 2 vjet. 00.40 Pyetja është shumë e thjeshtë, a guxon se ose jo kryetari i Kuvendit të publikojë ligj pa nënshkrim të presidentit”, theksoi Dimitar Apasiev – Kryetar i “E Majta”.
Edhe profesori Jovo Kekenovski, kërkon që Kushtetuesja të shfuqizoj Ligjin për gjuhët për arsye se janë bërë lëshime serioze gjatë sjelljes së ligjit.
“Absolutisht, është sjellë me numër të pamjaftueshëm të votave. Është i qartë amendamenti 5 që ka të bëjë me përdorimin e gjuhëve, pra nuk mund të ndryshohet, thelbësia dhe kornizat e tij nuk mund të zgjerohen me shumicë të tillë me të cilën është miratuar ligji aktual për gjuhët. Që do të thotë se duhet të respektohet në mënyrë decide amendamenti 18 përkatësisht të miratohet me shumicën e dy të tretave nga numri i përgjithshëm i deputetëve dhe nga gjysma e pjesëtarëve të komuniteteteve të pakicave tjera në shtetin tonë”, potencoi Jovo Kekenovski – profesor.
Përveç për kushtetutshmërinë dhe ligjshmërinë e këtij ligjit për gjuhët, gjykata kushtetuese diskutoi edhe për kushtetutshmërinë e Marrëveshjes së Prespës. Në periudhën në vijim do të merret vendim për kushtetutshmërinë e të dy ligjeve.