Ku gaboi Maqedonia kundër Austrisë?

Ku gaboi Maqedonia dhe çfarë duhet të ndryshojmë në dy ndeshjet e ardhshme? Ndeshjen e parë të përfaqësueses sonë të futbollit në Kampionatin Evropian e analizuam me ish- lojtarin e përfaqësueses së Maqedonisë, Aleksandër Vasoski në emisionin 10 Minuta.

 “Le të fillojmë që nga fillimi. Sipas meje sikur të hymë në ngërç. 10, 15 minutat e para kishim gabime jo tipike për ndeshjet e mëparshme. Pasi arritëm të imponojmë barazi në lojën, morëm një gol tragjik. Mendoj se ky ishte gabim taktik, përkatësisht gabim i mbrojtjes më të ngushtë mes Alioskit dhe Musliut në anën e majtë. U kthyem pas një gabimit të Austrisë, e pastaj deri në minutën e 60-70-të kishim kundërsulme, nëse Nikollov shënonte gol, nëse arrinim rezultat 2 me 1, ndeshja do të zhvillonte në një drejtim tjetër. Por ky është Kampionati Evropian dhe duhet të jesh i përqendruar 90 minuta. Sa i përket golit të dytë, gabimi është yni, madje edhe kur bëhet fjalë për golin e tretë. Të gjithë jemi të zhgënjyer por edhe krenarë që Maqedonia është në Kampionatin Evropian”, deklaroi për TV21, Aleksandër Vasoski – ish-futbollist i përfaqësueses.