Kosova humbi ëndrrën evropiane! Challandes: Nuk i shfrytëzuam rastet në pjesën e dytë

Maqedonia e Veriut  fitoi ndeshjen kundër Kosovës. Në minutën e 16 Maqedonia me autogol doli në epërsi. Ndërsa në minutën e 29 barazon Kosova pas një gabimi të portierit të Maqedonisë së Veriut.

Menjëherë më pas në minutën e 33 pas një krosimi të Enis Bardhit vendasit kaluan në epërsi në 2:1 me gol të Velkovskit.  Ndeshja u mbyll me rezultat përfundimtar 2:1 për Maqedoninë.  Trajneri i Kosovës Bernard Challandes tha se në pjesën e dytë nuk arritën që ti konkretizojnë shanset e krijuara.

“Pjesën e dytë s’kam shumë për të komentuar, ishin disa periudha të mira disa periudha shumë të këqija Maqedonia e pati rastin që të mbrohet mirë dhe provoi të rrezikonte portën tonë nëpërmjet kundër sulmeve dhe e bëri një gjë të tillë shumë mirë. Kurse ne nuk arritëm edhe për kundër fatit nuk arritëm të krijonim raste si duhet dhe nuk arritëm as t’i konkretizojmë ato” tha trajneri i Kosovës, Bernard Challandes.

Trajneri i Maqedonisë së Veriut Igor Angelovski pas fitores ndaj Kosovës tani mendjen e ka tek kombëtarja e Gjorgjisë.

“Sigurisht tani duhet të mendojmë për Gjorgjin kemi një lojë që do të luhet për pesë ditë këtu tek ne kjo do të ndihmojë për të kuptuar më mirë për të dy kombëtaret sikur ne për ata edhe ata për ne. Mendoj se kur luhet një finale vendosin nuancat analizat do të bëhen nga dyja anët.

Shpresoj që ti kem të gjithë lojtarët”, u shpreh trajneri i përfaqësueses së Maqedonisë së Veriut, Igor Angelovski.

Maqedonia e Veriut tani do të ndeshet në ndeshjen finale para se të sigurojë biletën për ëndrrën Europjane. Maqedonia e Veriut në finalen e plej-ofit të Ligës së Kombeve do të përballet me Gjeorgjinë e cila më herët mundi Bjellorusinë me rezultatin minimal 1:0. Nëse Maqedonia do të fitojë ndaj Gjeorgjisë, atëherë në grup do të ketë Holandën, Ukraninën, dhe Austrinë.