Anëtari i Këshillit të Sigurisë, Nenad Markoviq në emisionin debativ “Click Plus” të TV21 tha se Presidenti i Francës po bën përpjekje dëshpëruese për ta hequr veton ndaj Maqedonisë.
“Nuk dua të jem optimist se ka gjasa që deri në qershor të ndodhë diçka e tillë. Megjithatë mendoj se Makroni po e bën përpjekjen e fundit dhe dëshpëruese që t’i bindë rrymat më liberale, rrymat më të buta në politikën bullgare, se do të ketë më shumë përfitim se sa dëm nëse e heqin veton ndaj Maqedonisë, që po ndodh me këto politika “në moment të fundit””, tha Nenad Markoviq, anëtar i Këshillit për Siguri.
Nënkryetari i Internacionales Liberale, Emill Kirjaz, theksoi se çështje siç është ajo mes Maqedonisë dhe Bullgarisë, ka në shumë vende të BE-së.
“Çështje të tilla ekzistojnë në tërë Evropë. Në Spanjë, mes çekëve dhe sllovakëve. I ka këtu në ishujt britanike mes irlandezëve dhe britanikëve, për çështjet që kanë të bëjnë me historinë e përbashkët, sundimin etj”, pohoi Emill Kirjaz, nënkryetar i “Internacionales Liberale”.
Besim Nebiu nga Iniciativa Evropiane tha se në qoftë se brenda këtij viti nuk eliminojmë
të paktën një filtër, atëherë në mënyrë shtesë do të shuhet dëshira për anëtarësim në BE.
“Nëse ne duam të hyjmë në BE-në, duhet ta kalojmë veton e Bullgarisë, për shkak se ata janë anëtarë, pa dallim nëse kanë të drejtë apo jo, mendoj se analiza e asaj se kush ka të drejtë nuk është e dobishme për këtë debat, por analiza e asaj se si mundemi ta zgjidhim këtë problem dhe të mos na përsëritet në 10 ose 15 vitet e ardhshme, siç ishte kontesti me Greqinë i cili zgjaste 20 vjet“, theksoi Besimi Nebiu, Iniciativa Evropiane.
Takimi i radhës i Këshillit Evropian do të mbahet më 23-24 qershor, kur paralelisht do të mbahet edhe takim mes BE-së dhe liderëve të vendeve të Ballkanit Perëndimor.