Kërçovarët presin vendim për dasmat! Visar Ademi: Kërçova do të pësojë humbje prej 72 milionë eurove

Vera është periudha kur Kërçova gjallërohet, gjatë kësaj periudhe kur mërgimtarët vijnë në vendlindje organizohen edhe gazmendet familjare. 

Por pandemia me koronavirusin ka bërë që çështja e dasmave të mbeten pezull. 

Mergimatrët që jetojnë dhe veprojnë në Amerikë i kanë anuluar tërësisht dasmat, ndërsa mergimatrët e Zvicrës, Italisë, Gjermanisë e Amerikës janë në pritje të një vendimi nga ana e qeverisë së RMV.

Pronarët e restoranteve thonë se nëse dasmat nuk mbahen, Kërçova do të pësojë një humbje të madhe ekonomike. Përgjegjësi i një restoranti thotë se ata i plotësojnë kushtet për mbajtjen e dasmave qoftë edhe me distacë.

“Ne si sallon dasmash Shqiponja kemi dasma të anuluara rreth 50 përqind të dasmave, kurse 50 perqindëshi tjetër ka mbet dhe pret nga Ministria nga Qeveria për masa mbrojtëse. (Ngjitje ) Kushtet te restorant Shqiponja janë të volitshme për t’u realizuar dasmat duke ju përmbajt protokollit të qeverisë”, tha Festim Ahmeti, përgjegjës i Restorantit Shqiponja.

Kjo situatë ka prekur edhe estradën e këngëtarëve. Uran Dervishi thotë se ata janë të varur nga dasmat dhe nga mërgimtarët për shkak se ata familjarisht merren me këtë punë.

“Sa i përket sezonit dhe dasmave të verës, një numër i madh një përqindje e madhe 80 -90 përqind të dasmave janë anuluar. Në bisedime me kolegët e mi tregojnë se edhe atyre u janë anuluar dasmat. Edhe nëpër restorante me persona që kam biseduar gati janë anuluar dasmat. Dëmi është gjithpërfshirës sepse dasmat janë një urë lidhëse e këngëtarëve, restoranteve, kamerave, dekorimeve, ondulimeve. Janë një varg biznesesh që do të pësojnë”, tha Uran Dervishi, këngëtar.

Eksperti ekonomik Visar Ademi vlerëson se Kërçova do të pësojë një humbje të madhe nëse dasmat nuk mbahen dhe nëse nuk vijnë mërgimtarët në vendlindje.

Ai vlerëson se vetëm nga mosmbajtja e dasmave Kërçova do të humbë rreth 72 milion euro.

“Për në Kërçovë nëse ka dikund afërshit 9 restorante dasmash ose 12 salla, në qoftë se i merr këto sallone dasmash të jenë të okupuara për dy javë ditë me radhë i bie diku 72 milionë euro do të ketë humbje nga mosardhja e diasporës në vend. Këto janë matematika në qoftë se një restorant është i zënë dhe ka kapacitet dhe i ka kapcitetet e zëna për një ditë, por ne e dimë që këto sallone dasmash janë të zënë nga dy tre herë në ditë”, tha Visar Ademi, ekspert ekonomik.

Ademi vlerëson se në mungesë të investimeve në ndërtimin e shtëpive të reja, Kërçova do të humbë edhe një 72 milion tjetër që i bie rreth 150 milion euro bashkë me dasmat që investohen nga diaspora.