Kapet marihuanë në malet e Tetovës, TV21 në vendin ku u sekuestruan 100 rrënjë

Të fshehura mes drunjve, përreth lumit Vardar, në atarin fshatit Orash të komunës së Jegunovcës. Ky është vendi ku Policia e Tetovës asgjësoi rreth 100 rrënjë me marihuanë. Ekipi i Televizionit 21 gjatë ditës së sotme ka gjetur vendin ku sipas policisë tre të dyshuar nga Shkupi kanë mbjellë lëndë narkotike.

“Jemi pikërisht në vendin ku Sektori për Punë të Brendshme gjatë ditës së djeshme ka asgjësuar rreth 100 rrënjë me marihuanë. Në të njëjtin aksion janë arrestuar edhe tre persona nga qyteti i Shkupit, ndërsa pamjet flasin edhe vetë se ky vend i fshehur në atarin e komunës së Jegunovcës ka qenë i mbjellë me lëndë narkotike”, njofton gazetari, Senat Zylbehari.

Zëdhënësi i Policisë së Tetovës, Marian Josivosvki, thotë se tre të rinjtë në të njëjtin vend janë ndaluar edhe privuar nga liria, nën dyshimin se kanë kultivuar lëndën narkotike.

“Janë ndaluar edhe privuar nga liria tre persona të moshës 24, 26 dhe 30 vjeçare. Personat kanë qenë në lokacion ku janë gjetur rreth 100 rrënjë kanabis-stiva të cilët janë sekuestruar edhe janë foto-dokumetuar si dhe pajisje të tjera, një pjesë e rrënjëve kanë qenë të mbjella të tokë dhe një pjesë në saksi”, tha Josifovski.

Kjo nuk është hera e parë që SPB Tetovë gjen marihuanë të mbjellë në këtë rajon, por numrër të përdoruesve dhe ndalim të personave me sasi të vogla të lëndës mund të hasësh për çdo ditë në raportet e policisë. Pamjet flasin se kultivimi i kësaj lëndë narkotike është shumë më i letë pasi që rajoni i Pollogut është kryesisht vend malor.