Sot, rreth orës 16:45, zyrtarë policorë nga ekipi operativ për kërkim në SPB Shkup dhe nga Njësiti policor për intervenim – Shkup, kanë privuar I.J.(36), E.D.(36) dhe M.R.(37), të gjithë nga fshati Studeniçan i Shkupit. Rreth orës 09:00 të mëngjesit të sotëm janë arratisur nga IEVP-Burgu Idrizovë ku po vuanin dënimin me burg. Pas ndërmarrjes së masave dhe aktiviteteve, të tre janë vërejtur në fshatin Dolno Lisiçe me veturë të pasagjerëve “Volkswagen Golf” me targa të Shkupit. Ata nuk janë ndalur në tabelën e ndalimit të dhënë nga punonjësit e policisë dhe kanë vazhduar lëvizjen drejt fshatit Jurumleri, por shumë shpejt janë kapur dhe privuar nga liria. Në të njëjtën kohë, te personat I.J. dhe E.D. janë gjetur dhe konfiskuar dy thika. Shtetasi I.J. është i dënuar me gjithsej 11 vjet burg për krime të kryera nga neni 215, neni 418-b dhe neni 144 i Kodit Penal dhe ka pesë vjet e tre muaj për të vuajtur. E.D. është i dënuar me shtatë vjet burg për vepër penale të kryer nga neni 215 i Kodit Penal dhe duhej të vuaj edhe 18 muaj dënim. Ndërkaq, M.R është dënuar me tetë vjet e tre muaj burg për krime të kryera nga neni 215 dhe neni 418-b i Kodit Penal dhe duhet të vuaj edhe tre vjet dënim. Ata janë dërguar në IEVP për pjesën e mbetur të dënimit.
Kapen të arratisurit nga Burgu i Idrizovës me dënim të përgjithshëm mbi 26 vjet
TË FUNDIT
