Kaos para bankave në Tetovë! Pa distancë, me orë të tëra qytetarët presin për kartelat financiare

Këta qytetarë edhe sot janë mbledhur para bankës dhe po presin me ora të tëra që të marrin  kartelën financiare për kategoritë sociale që po i ndanë Qeveria.

Kjo gjendje është kështu, që kur Qeveria nxori emrat e qytetarëve që janë fitues të  karteleve  për të blerë produkte ushqimore vendore.

Qytetarët:

-“Po kemi frikë, maskat i kemi në rregull jemi tash ndodhën çka ndodhën s’kemi çka bëjmë  besoj se nuk ka virus këtu presim gjysmë ore.”

-“Normal se kam frikë për atë edhe mbajë distancë.

TV21: Për çfarë prisni para bankës?

-“Dua ta shfrytëzoj atë blejë  të shtëpisë e pash në internet ishim në listë tash dua ta shfrytëzoj.”

TV21: “Keni frikë  nga virusi ?

-“Jo nuk kamë!”

TV21: Por pse e mbani maskën?

-“Kot e kotë nga policia mos na dënojë nga 120 euro. Kamë ardhur të marrë kartelën për të marr ndonjë mall ndonjë send.”

-“Ne rrimë një më një , kjo nuk bën , erdha të shoh a do na japin ndonjë send apo jo dje isha dhe ika  kjo është pa rend këtu.”

Nga shtabi i krizës në komunën e Tetovës vazhdojnë të apelojnë deri tek bankat që të shtojnë numrin e rendmbajtësve.

“Dje dhe sot vërehet një frekuentim i shtuar i qytetarëve përpara objekteve bankare, që lidhet me dhënien e kartelave pagesore vendore. Me qëllim që të evitohen skenarë të padëshirueshme të infektimit të mundshëm si pasojë e grumbullimit në masë të njerëzve, apelojmë që bankat komerciale të rrisin numrin e rend mbajtësve në sportele dhe hapësirat e jashtme përpara objekteve bankare,” u tha nga Shtabi i Krizës, Tetovë.

Por para bankave mund të shihet sigurim që mbajnë vetëm radhë që të futen në bakë në bazë të numrit dhe jo edhe për ruajtjen e distancës.  Në qytetin e Tetovës vetëm gjatë ditës së sotme kishte 11 të infektuar me Covid 19.