Kanë punuar por nuk kanë marrë pagë. 7 565 qytetarë nuk kanë marrë pagë në shkurt, ndërsa në mars 11 612 punëtorë. Këtë e tregojnë të dhënat e Drejtorisë për të ardhura publike që sot në brifing me gazetarët i kumtoi drejtoresha Sanja Llukarevska.
Shkurt 2023
Gjithsej punëdhënës: 69,059
Gjithsej të punësuar: 554,237
Punëdhënësit që kanë paguar përllogaritje: 46,584
Punëdhënësit që nuk kanë paguar përllogaritje: 2,403
Punëdhënësit që nuk kanë paraqitur përllogaritje: 5,136
Punëtorë që nuk kanë marrë paga: 7,565
Mars 2023
Gjithsej punëdhënës: 69,059
Gjithsej të punësuar: 555,161
Punëdhënësit që kanë paguar përllogaritje: 56,073
Punëdhënësit që nuk kanë paguar përllogaritje: 7,367
Punëdhënësit që nuk kanë paraqitur përllogaritje: 5,716
Punëtorë që nuk kanë marrë paga: 11,612
Në brifing u tha se nga 30 kontrollet e kryera te taksapaguesit në Bit Pazar, te 28 janë konstatuar parregullsi për mosdhënien e llogarive fiskale, për librat ekonomikë të papërditësuar ose mos posedimin e aparatit rezervë fiskal. Nga gjithsej 13 kontrolle në 4 poliklinika në Shkup, janë konstatuar parregullsi për mosdhënien e llogarive fiskale.
U njoftua se është bllokuar xhirollogaria e shoqatës aksionare në pronësi shtetërore për mirëmbajtjen e sistemeve për ujitje. Në “Ekonominë e ujërave” për rroga të papaguara. Ndërmarrja ka borxh prej 70 milionë denarëve.
DAP në periudhën e kaluar ka zbatuar kontrolle te 33 argjendarë në Shkup, Tetovë, Gostivar, Kërçovë dhe Manastir ku u konstatua se 18 prej tyre aspak nuk kanë dhënë llogari fiskale, kanë paraqitur zero qarkullim ose dallime mes vlerës dhe llogarisë fiskale deri në 200 mijë denarë.
Kontrolle janë bërë edhe te të ashtuquajturit taksapagues të rrezikshëm, këtu përfshihen drejtues në moshë 18 ose 19 vjeçare, në sektorin e ndërtimtarisë, dhe drejtorë të kompanive me kapital të huaj.