Shoferi profesionist Igor Stefanovski Ixhe, automjetin real e zëvendësoi me atë virtual. Në vend që të marrë pjesë në gara me automjete, për shkak të koronavirusit, këtë e bën në shtëpi.
Kampionati ku duhej të merrte pjesë, u pezullua për shkak të pandemisë, në kohë të pacaktuar.
“Unë mbaj kondicion, nëse mund të them ashtu, me gara në simulues me kolegët e mi më të mirë nga Evropa. Në këtë mënyrë mbajmë kontakt dhe kondicion. Megjithatë, kjo nuk mjafton, presim që të mundemi të dalim jashtë dhe të kthehemi atje ku ndjehemi më mirë, në pistat ku mbahen garat dhe të kthehemi në formë siç ishim paraprakisht”, tha Igor Stefanovski-Ixhe, Vozitës profesional.
Simulimi ndihmon, por thotë se ndjenja është pak e ndryshme.
“Është pak e ndryshme, nuk e keni të njëjtën frikë siç e keni kur jeni në automjet. Nuk keni adrenalinë ashtu siç jeni duke vozitur, por periudha është e këtillë. Kjo është e vetmja gjë që mund ta bëjmë tani”, tha Igor Stefanovski-Ixhe, Vozitës profesional.
Periudhën e përdor për t’i analizuar garat e mëparshme. Së bashku me ekipin e tij i gjejnë gabimet gjatë garave. Problem paraqet ajo që në Maqedoni nuk ka pistë për të trajnuar, por Ixhe thotë se e çmojnë shumë në kampionatet sepse edhe me kushte të tilla ai arrin rezultate të mira.
“E gjithë përudha e kaluar për mua është e njëjtë si tani. Unë asnjëherë nuk kam pasur pistë për gara, për fat të keq në Maqedoni nuk ka pistë të tillë ku mund të bëj testime. Andaj na çmojnë jashtë, sepse edhe në kushte të këtilla kam fituar dy çmime. Njerëzit na çmojnë shumë sepse ne jemi sportistë, kjo është sikur një notues të bëjë not në vaskë dhe të dalë më i mirë se më i miri. Këtë e bëj unë”, tha Igor Stefanovski-Ixhe, Vozitës profesional.
E presin dy kampionate që janë pezulluar në kohë të pacaktuar. Para garës thotë se ka disa rituale para se të hyjë në automjet, ndërsa pasi hyn transformohet në një person tjetër. Stefanovski ka marrë pjesë në Kampionatin evropian në pistat malore, ku ka fituar dy herë në vitin 2014 dhe 2015.
Në sezonin e tij të parë në EKTA që është pjesë e ekipit slloven LEMA REJSING nget automjet SEAT Leon kap rejser. Në vitin 2017 mori pjesë në kampionatin EKTA, kësaj here me ekipin e tij që mban emrin e tij.