Policia konfiskoi 17.000 komplete të rrejshme për testim të Covid-19, të cilat janë gjetur në operacione kundër kontrabandimit të ushqimit dhe pijeve ilegale në dhjetëra vende, kumtoi sot Interpol.
Policia ka konfiskuar prodhime të falsifikuara ose jostandarde në vlerë prej 34,5 milion euro në 77 vende dhe ka arrestuar 407 persona në operacion e cila ka zgjatur nga dhjetori i vitit 2019 deri në qershor të vitit 2020.
Mes prodhimeve ka produkte të qumështit, mish nga kafshët e therura në mënyrë joligjore dhe prodhime të rrejshme ushqimore të shënuara si ilaçe, publikoi Interpol.
Policia ka zënë edhe mijëra prodhime mjekësore të falsifikuara, në kohën kur vendet përreth botës shpejtuan të furnizohen me material mjekësor për shkak të bllokadës së vendosur që të parandalohet përhapja e koronavirusit.
“Derisa vendet përreth botës vazhdojnë me përpjekjet për ta kontrolluar Kovid-19, rrjetet kriminele të cilat i shpërndajnë këto prodhime të rrezikshme potenciale vetëm e tregojnë vendosmërinë e tyre për të fituar”, deklaroi sekretari i përgjithshëm i Interpol, Jirgen Shtok.
Krahas testeve të rrejshme për Covid-19, në aksionet janë gjetur mjete për dezinfektim, madje edhe dërgesë me ushqim detar në Afrikën Jugore me preardhje nga Azia, e cila ka qenë me deklaracion të rrejshëm si pajisje mbrojtëse personale.
Ky është viti i nëntë i agjencisë për aksion të koordinuar në suaza të operacionit Opson kundër ushqimit dhe pijeve të falsifikuara ose jostandarde, e cila rregullisht konfiskon mijëra ton prodhime të dëmshme të falsifikuara dhe potenciale./MIA