Interpelanca ndaj zëvendëskryeministrave Nikolla Dimitrov dhe Ljupço Nikollovski, me shumë gjasë do të jetë nesër në rend dite në seancë plenare të Kuvendit, deklaroi lideri i VMRO-DPMNE-së, Hristijan Mickoski.
Këtë ai e bazon në premtimet që ia kanë dhënë atij.
“Interpelanca e Dimitrovit, kemi premtim se nesër do të jetë në rend dite. Sa u takon këtyre dy ministrave (Dimitrov dhe Nikollovski), për padrejtësi dhe korrupsion, shpresoj se së shpejti do të jetë në rend të ditës kjo pikë, që të mund t’i argumentojnë para deputetëve në Kuvend, sepse ndoshta ata dinë diçka që ne nuk e dimë, apo shohin diçka çfarë ne nuk shohim”, tha Mickoski.
Arsyen për interpelancë e bazon në rangimin në vendin e 111-të të Maqedonisë së Veriut, në listën për korrupsion të Transparency International./TV21