Themeluesi i Institutit të Modës “Izet Curri” në Shkup, Izet Curri ka qenë mysafir në emisionin Pastel në TV21.
Ai ka bërë të ditur se ekspozita pranverore, ku shpalosen krijimet e studentëve të këtij institutit, do të jetë “Homazh për Frosina Kulakova”, 22-vjeçarja që humbi jetën tragjikisht rrugëve të Shkupit pasi u godit nga një veturë.
Ai ka folur për personalitetin e Frosinës dhe ka zbuluar se ka qenë e pasionuar pas modës. Tregon se ëndrra për të shkuar në Paris, i ka mbetur në gjysmë.
“Si vajzë ka qenë e pasionuar. Shumë, shumë ka qenë e pasionuar. I ka pasur 22 vjeç. Jemi përgatitur që të shkojmë me grupin në Paris, edhe ajo duhej të vinte me ne, por nuk të shkojë në Paris. Edhe kjo na preku pak se e kemi pas bë planin. Ka qenë gjithmonë e buzëqeshur. Nuk dinte të zemërohej me dikë. Me të gjithë shkonte mirë. Ndoshta Zoti pati nevojë për të dhe na e mori. Mua më ka prekur shumë, shumë…
S’po mundem ta kuptoj që një person aq i mirë ta përfundojë jetën në beton”, tregon Curri.