“Illovica-Shtuka” nesër përsëri në seancë qeveritare, Petrovska në “Summer Click” flet nëse janë gënjyer nga Bekteshi

Në seancë qeveritare nesër do të shqyrtohet vendimi për koncesionet për Illovica – Shtuka. Këtë në Summer Click e deklaroi ministrja e mbrojtjes, Sllavjanka Petrovska.

“Mendoj se është e rëndë fjala të manipuluar apo mashtruar. Ajo që është shumë e rëndësishme se reagimi im dhe i kolegëve që u transmetuan, është se kolegu Spasovski dhe Shukova kuptohet edhe prezenca e dy ministrave në protestë, në fakt tregon se ne i dëgjojmë reagimet në opinion. Lexova dhe dëgjova këtë fundjavë shumë komente se ne jemi mashtruar, se a kemi bërë kujdes çfarë ndodh në seancë etj. Mendoj se ajo që është shumë e rëndësishme, ndërsa flasim për të komentuar, është virtyt i ministrave që me të vërtetë vendosën që të kërkojnë rishikim të vendimit”, deklaroi Sllavjanka Petrovska, ministre e Mbrojtjes.

Ministrja shtoi se nuk sheh asgjë të kontestueshme në vendimin që e ka sjellë Qeveria që të bëhet revizion.

“Kjo nuk është dobësi e ministrave, përkundrazi kjo është demonstrimi jo i guximit por i dinjitetit se me të vërtetë dinë që të korrigjohen dhe të kërkojnë korrigjim nëse ndonjë vendim shkakton reagime negative në opinionin publik”, tha Sllavjanka Petrovska, ministre e Mbrojtjes.

Derisa pjesë e qytetarëve dolën në rrugë duke treguar në mënyrë të zëshme se janë kundër hapjes së minierave, disa të tjerë mendojnë se ardhmëria është në miniera.

-Unë jam pro minierës në fshatin Illovicë. Të ardhmen time po e shoh në këtë minierë si njeriu i ri dhe nuk po dal në protestë.

-Dua të filloj me Çerçilin, se qëndrimi personal është një punë e vogël që po bën dallime të mëdha. Unë jam për hapjen e minierës. Pse? Për shkak se unë jam nga ky rajon dhe jam i vetëdijshëm se Strumica është rajon bujqësor dhe fatkeqësisht bujqësia jonë nuk është në atë kondicion në të cilin ne duam ta prezantojmë.

-Po thonë se nuk do të ketë dëme dhe se do të bëjnë minierë moderne me filtra dhe se nuk do të ketë ndotje dhe se bujqësia nuk do të pësojë dëme. Andaj mendoj se nuk duhet të dal në protestë dhe nëse hapet mendoj që të punoj atje.

Në protestë u theksuan kërkesat për prishjen e koncesioneve dhe për përcaktimin e përgjegjësisë për të gjithë ata që kanë kontribuuar për hapjen e minierës në rajonin e Strumicës, ndërsa nga Euromaks Resources në reagim vlerësuan se vetëm me dialog konstruktiv dhe prezantimin profesional të fakteve të gjitha shqetësimet do të adresohen në mënyrë adekuate.