Nëse bëni pjesë në radhët e atyre që i premtojnë vetes çdo muaj se do të merren me sport, do të hani shëndetshëm, e mbi të gjitha do të bieni në peshë dhe në fakt nuk bëni asgjë, kjo është dieta e duhur për ju. Bëhet fjalë për dietën e mëngjesit me banane, një regjim ushqimor i shpikur në 2008-n nga mjeku japonez Kazuyoshi Fujimoto. Edhe pse kanë kaluar thuajse 13 vite nga momenti kur kjo dietë është bërë popullore në të gjithë botën, ajo vazhdon të mbetet një nga të preferuarat për mijëra njerëz.
Sekreti i saj qëndron pikërisht te konsumi i përditshëm i bananes, një nga frutat më të pasur në vlera ushqyese si kalium, fibra të tretshme në ujë, proteina komplekse, vitaminë C. Ndryshe nga dietat e tjera, të cilat në shumicën e rasteve janë thuajse ‘’ekstreme’’ pasi zgjasin shumë në kohë dhe janë të varfra në shumëllojshmëri ushqimore, dieta me banane nuk ju kufizon nga pothuajse asgjë, si dhe ju lejon të humbisni deri në 3 kg brenda 4 ditësh. Por, jo vetëm kaq, ndjekja me përpikmëri e kësaj diete të paktën 2 herë në vit parandalon shfaqjen e diabetit të tipit 2 dhe sëmundjet kardiovaskulare.
Mëngjesi është një vakt shumë i rëndësishëm, kështu që përpiquni të mos e neglizhoni apo thjesht të kufizoheni me një kafe. Niseni ditën me një lëng të shtrydhur bananesh ose 1 porcion kos pa yndyrë me banane. Sipas mjekut Fujimoto, mund të hani deri në 3 banane për mëngjes, shoqëruar me 3 goja me ujë të vakët. Konsumi i ujit është shumë i rëndësishëm, këshillohet të pini deri në 2.5 litra në ditë.
Dreka duhet të nisë me një banane. Në drekë preferohet mishi pa yndyrë, si ai i pulës, fileto e gjelit dhe peshku, perimet e gatuara në avull ose të ziera dhe sallatat me perime jeshile. Ndalohet kategorikisht ngrënia e bukës, ëmbëlsirave, patateve, orizit dhe karbohidrateve. Dreka nuk duhet të kalojë porcion e 70 gramëve për çdo përbërës.
Edhe darka duhet të nisë me një banane të pjekur mirë, 100 ml qumësht pjesërisht i skremuar dhe dy vezë pjesërisht të ziera. Gjatë darkave në vijim këshillohet të hani perime të pa gatuara, frutaT e sezonit, lëng limoni dhe portokalli ose çaj jeshil.