Hoti e filloi punën si kryeministër i ri i Kosovës, Kurti nuk ia dorëzoi detyrën

TË FUNDIT

Me nderime të cilat ia dhanë Garda ceremoniale e Kosovës, kryeministri i ri i Kosovës, Avdulla Hoti sot në mëngjes e mori detyrën dhe menjëherë më pas e mbajti seancën e parë të Qeverisë së re.

Detyrën, Hotit ia dorëzoi sekretari i Qeverisë, Fitim Krasniqi, edhe pse sipas protokollit këtë është dashur ta bëjë kryeministri i deritanishëm Albin Kurti.

Në video-fjalimin e mbrëmshëm përmes Fejsbukut, Kurti tha se qeveria e sapozgjedhur është jolegjitime, sepse është formuar me vendim të paligjshëm të Gjykatës kushtetuese dhe shtoi se nuk mund të bëjë pranim dorëzim të detyrës me dikë që e ka shkarkuar.

Hoti ishte kryeministri i parë pas qeverisë paraprake, ndërsa Kurti e shkarkoi pa u mbushur një orë pasi më 25 mars Kuvendi i Kosovës e votoi mosbesimin e kabinetit të tij.

Pas marrjes së detyrës, Hoti e thirri seancën e parë në kabinetin e tij, në të cilën ia prezantoi prioritetet gjatë qeverisjes së tij, me ç’rast e theksoi luftën me pandeminë, rimëkëmbjen ekonomike, ndërmarrjen e zhvillimit të dialogut me Serbinë dhe përforcimin e lidhjeve me miqtë dhe partnerët ndërkombëtarë.

Ai i falënderoi punonjësit shëndetësorë për profesionalizmin e treguar në përballjen me situatën, si dhe të nëpunësve policorë, bizneset private dhe ndërmarrjet publike, ndërsa njëherit u shprehu ngushëllime familjeve të viktimave të epidemisë.

Hoti paralajmëroi transparencë të plotë në punën e kabinetit të tij dhe premtoi “një diskus më ndryshe, si brenda në qeveri, ashtu edhe lidhur me opozitën, shoqërinë civile dhe mediumet”.

Kryeministri i ri i Kosovës, i cili është edhe nënkryetar i Lidhjes Demokratike të Kosovës (LDK), menjëherë pas seancës së parë të Qeverisë, ka dhënë nderime para varrit të themeluesit të LDK-së dhe president i parë i Kosovës së pavarur, Ibrahim Rugova, ndërsa për më vonë është paralajmëruar edhe vizitë në kompleksin përkujtimor në nder të themeluesit të Ushtrisë Çlirimtare të Koosvës, Adem Jashari.