Gjysmëvjetori i dytë, me prani fizike apo online? Shaqiri: Vendimi do të merret deri në fund të javës

TË FUNDIT

Të hënën nxënësit duhet t’i kthehen procesit mësimorë të gjsymëvjetorit të dytë. Por dilema është nëse mësimin do ta ndjekin me prani fizike apor online. Komisioni për sëmundje ngjitëse duke e analizuar situatën epidemiologjike, ka propozuar që nxënësit e shkollave fillore dhe të mesme të shkojnë në shkolla, sepse nuk ka rrezik të përhapjes së virusit korona në mes tyre.

Por ministri i Arsimit Jeton Shaqiri tha se vendimi definitiv për mënyrën e mësimit do të sillet në fund të kësaj jave. Ndërkohë i pyetur nëse fëmijët edhe më tej do të vazhdojnë të mbajnë maska, Shaqiri pa një mendim preciz, thotë se është për ruajtjen e shëndetit të nxënësve.

Gjysmëvjetori i dytë shkollor është dashur të nis me 20 janar, mirëpo për shkak të rasteve të shtuara të infeksioneve me llojin Omicron, hapja e shkollave u prolongua për me 1 shkurt. Ende nuk dihet nëse Qeveria do ta miratojë propozimin e KSI për mësim me prezencë dhe nëse nxënësit do të lirohen nga mbajtja e maskave në mësim.

MARKETING I PAGUAR POLITIK