Gjobë 20 mijë euro sepse hodhi mazut në Vardar, Inspektorati ka ngritur 2 padi penale për ndotësit

Gjobë 20 mijë euro për hedhjen e mazutit në lumin Vardar. Ky është dënimi më i lartë që Insepktorati Shtetëror për Mjedisin Jetësor e ka shqiptuar së fundmi për ndotjen e mjedisin. Sipas raportit të fundit të Inspektoratit, dënimi më i ulët për ndotje ka qenë 3 mijë euro.

“Dënimi prej 20 mijë eurove është shqiptuar për një objekt në lagjen Gradsko. Kishim një informacion mendoj se ishte para 2 ditësh, ku Inspektorati Shtetëror për Mjedisin Jetësor mori denoncim se është hedhur mazut në lumin Vardar”, deklaroi Ana Petrovska, drejtoreshë e IShMJ-së.

Petrovska thotë se dënimet varen prej llojit të veprave që janë kryer. Në 6 mujorin e parë të vitit 2021 janë ngritur gjithsej 43 procedura kundërvajtëse, 36 prej tyre janë dënime në të holla, gjithashtu janë ngritur edhe dy padi penale.

“Paditë penale, njëra është për hedhje të mbeturinave, tjetra ishte për djegie të kallamit në Strugë. Ndërsa dënimet me të holla janë për arsye të ndryshme, kurse pjesa më e madhe e tyre janë për mos pagim të kompensimeve për shërbimet e ujit nga ana e Ndërmarrjeve komunale”, shtoi Petrovska.

Sipas raportit të prezantuar, gjatë periudhës janar-qershor 2021 janë realizuar 1132 inspektime nga gjithsej 866 inspektime të planifikuara. Petrovska shton se edhe përkundër mungesës së kushteve për punë dhe inspektorëve në terren, është rritur efikasiteti i Inspektoratit Shtetëror për Mjedis Jetësor. Nga gjithsej 19 inspektorë, 3 nuk kanë kryer inspektime për shkak se është njëri është pushim pa pagesë, një është suspenduar për shkak të dyshimit për ryshfet, dhe njëri është në pushim mjekësor.