Sipas të dhënave më të reja në botë ka 1.929.633 persona të infektuar me kornavirusin e ri. Prej tyre kanë vdekur 119.785, ndërsa janë shëruar 455.018 njerëz.
– Trajtimi i Kovid 19 do të jetë falas në Turqi edhe për ata që nuk kanë sigurim shëndetësor. Kjo është mundësuar me dekret nga presidenti turk Rexhep Taip Erdogan, publikoi sot gazeta zyrtare turke.
– Numri i përgjithshëm i rasteve të konfirmuara të infeksionit me koronavirusin e ri në Indi ka arritur në 10.363, kumtoi Ministria e Shëndetësisë të Indisë. Numri i të vdekurve nga Kovid-19 në Indi është rritur për 31 në 24 orë në gjithsej 339 njerëz. Karantina kombëtare e vendit është vazhduar deri më 3 maj.
– Pritet që presidenti rumun Klaus Johanis sot të jap dekret për vazhdimin e situatës së jashtëzakonshme për 30 ditë.
– Australia dhe Zelanda e Re kanë hedhur poshtë idenë e zbutjes të kufizimeve të vendosura në luftën kundër Kovid-19, pavarësisht nga fakti se të dy vendet kanë një rënie të qartë të numrit të infektuar ri.
– Në Meksikë me koronavirusin e ri janë infektuar më shumë se 5.000 persona, prej të cilëve 332 kanë vdekur.
– Numri i të infektuarve me Kovid 19 në Kanada arrin 25.680.
– Në Austri sot do të fillojnë të punojnë mijëra dyqane, duke e bërë vendin një nga vendet e para evropiane që lehtësoi kufizimet e rrepta të vendosura nga epidemia.
– Politikani turk dhe udhëheqësi i Partisë së vogël të Pavarur të Turqisë, Hajdar Bash, 73 vjeç, ka vdekur nga kovid-19, njoftoi televizioni shtetëror turk NTV.
– Polonia do të fillojë të zbus kufizimet në ekonomi nga 19 prilli, tha sot ministri Polak i Shëndetësisë Lukash Shumovski.
– Shkencëtarët kinezë pretendojnë se një e treta e të infektuarve me koronavirus kanë probleme neurologjike.
– Presidenti i Bjellorusisë Aleksandër Lukashenko ka thënë se askush nuk do të vdesë nga koronavirusi në vend dhe përsëri refuzoi nevojën për masa të rrepta siç janë ato të miratuara nga shumica e vendeve për të parandaluar përhapjen e pandemisë. – Ne kemi gjetur një kombinim të barnave që mund të shpëtojnë njerëzit. Në këtë vend, askush nuk do të vdesë nga koronavirus dhe unë po e njoftoj publikisht këtë, tha Lukashenko. Ministria e Shëndetësisë kumtoi se 2,919 njerëz ishin infektuar dhe 29 vdiqën në vend, por Lukashenko thotë se të gjitha rastet e vdekjes kishin ndodhur te pacientët me sëmundje të zemrës ose diabet./MIA