Dizajneri italian Giorgio Armani do të varroset nesër pasdite në varrezën familjare në fshatin Rivalta, pranë Piacenzas, ndërsa ceremonia do të jetë e mbyllur për publikun.
Shoqata e kështjellave të Dukatit të Parmës, Piacenzas dhe Pontremolit, e udhëhequr nga konti Orazio Zanardi-Landi, e cila është pronare e fshatit, ka njoftuar se Rivalta “do të jetë e mbyllur nesër për arsye sigurie dhe për të garantuar privatësinë e funeralit”.
Dizajneri shpesh e vizitonte këtë fshat mesjetar të vogël për të parë varrin e nënës së tij, si dhe ishte mik i ngushtë i Zanardi-Landit, transmeton Ansa.