Filluan të skadojnë afatet, 20 ditë pas mbajtjes së zgjedhjeve, duhet të mbahet seancë konstituive ku do të formohet përmbajtja e dhjetë me radhë parlamentare. Më së voni, kjo gjë duhet të ndodh më 5 gusht.
Sipas rezultateve të deritanishme jo zyrtare nga KSHZ, nga 99.4% vendvotime të përpunuara, në Kuvend do të gjenden këto parti:
LSDM 46
VMRO-DPMNE 44
BDI 15
AA-AAA 12
E MAJTA 2
PDSH 1
Nëse deri më 5 gusht seancën konstitutive nuk e thirr kryetari i deritanishëm i Kuvendit, Talat Xhaferi, këtë gjë do të duhet ta bëjnë vetë deputetët ndërsa me seancën do të kryesojë deputeti më i vjetër.
Pandemia me koronavirus sjell ndryshime edhe në punën e Kuvendit. Salla “Maqedonia” në të cilën deri më tani janë mbajtur seancat plenare, tani do të zëvendësohet me sallë tjetër e cila gjendjet në katin e fundit të Kuvendit dhe e cila ka kapacitet për mbi 600 njerëz. Me këtë do të sigurohet distanca e nevojshme, por pas një kohe më të gjatë do të kthehet edhe procesi i vjetër i votimit – me ngritjen e dorës, me çka do të ngadalësohet puna e Kuvendit.
Sipas informacioneve që i morëm nga shërbimet kuvendore, mediat nuk do të mund të marrin pjesë në seancat, kurse të njëjtat do të mund t’i ndjekin përmes transmetimit të drejtpërdrejtë.
Në sallën e re, më me gjasa nuk do të marrë pjesë as kori diplomatik, diçka që deri më tani ishte praktikë gjatë konstituimit të përbërjes së re parlamentare.
Pas kësaj, Presidenti i shtetit ka afat prej 10 ditësh ta japë mandatin për formim të Qeverisë, kurse mandatari brenda 20 ditëve duhet të bëjë listë me kandidatët për Qeverinë e re dhe ta shkruajë programin qeveritar për 4 vitet e ardhshme.
Në fund, Qeveria e re sërish votohet nga Kuvendi. Sipas kësaj, Qeverinë e re mund ta presim kah mesi i gushtit ose në rast se shfrytëzohen edhe ditët e fundit, kjo mund të ndodhë edhe në fund të verës.