Filloi faza e parë e regjistrimit! Simovski: Gjithçka po zhvillohet pa probleme

Pas 20 vjetëve Maqedonia e Veriut do të regjistrojë popullsinë, e të parët që u regjistruan ishin qytetarët e burgosur.

Jeni i martuar?

Përkatësia etnike?

Të burgosurit në burgun e Kumanovës ishin ata që e filluan të parët këtë proces. Për të parë mbarëvajtjen e procesit, i pranishëm ishte edhe ministri i Drejtësisë, Bojan Mariçiq.

 “Erdha që edhe vet të bindem se si po ecën procesi i regjistrimit dhe mund të them se gjithçka është në rregull, sipas protokollove dhe depozitave të shkruara nga institucionet kompetente dhe sipas standardeve të Entit Shtetëror për Statistika”, tha Mariçiq.

Marjan Spasovski, nga Drejtoria për zbatimin e sanksioneve shpjegoi se gjithsej të burgosur dhe paraburgosur në gjithë vendin janë mbi 2200 të tillë.

 “Nga sot dhe në  dy javët e ardhshme  do të regjistrohen 2200 persona të burgosur dhe paraburgosur  në institucionet korrektuese-dënuese. Regjistrimi do të zhvillohet në disa faza dhe do të angazhohen 4 regjistrues të autorizuar  gjatë gjithë këtij procesi”, u shpreh Marjan Sasovski – drejtor në Drejtorinë për zbatimin e sanksioneve.

Drejtori për Statistika, Apostol Simovski, sqaroi se kush do të mund të regjistrohet në fazë e parë të regjistrimit.

 “Fillojmë më regjistrimin paraprak siç themi ne, të personave që vuajnë dënime në institucionet korrektuese-dënuese, me regjistrimin e të pastrehëve, pjesëtarëve të Armatës që gjenden ne objekte zyrtare dhe jashtë vendit, si dhe me regjistrimin e përfaqësuesve diplomatik dhe konsullore me familjet e tyre”, tha Simovski.

Procesi i regjistrimit do të zgjasë deri më 21 prill, kur edhe përfundon i gjithë procesi, ndërsa për shtetasit që jetojnë brenda vendit, regjistrimi do të nis që nga 1 prilli.