Për momentin vendi ynë po përballet me valë të virusit më të fuqishëm se ai i pari si pasojë e lehtësimit të masave, por më shumë si pasojë e një seri ngjarjesh, tubimet familjare dhe festat në të cilat nuk u respektuan masat e rekomanduara për mbajtje të maskës, distancës, dezinfektimit dhe larjes së shpeshtë të duarve. Shumë herë deri tani e dërgoj këtë porosi te qytetarët se këto janë masa universale gjithkund në botë dhe për momentin mënyra e vetme për ta mbrojtur veten, familjet tona, miqtë, gjithsesi edhe punonjësit shëndetësor, por edhe sistemin shëndetësor në përgjithësi.
Këtë sot në konferencën për shtyp e theksoi ministri i Shëndetësisë Venko Filipçe, i cili tha se sistemi ynë shëndetësor në këtë moment është tërësisht i përshtatshëm ndaj gjendjes së re, çdo ditë e ndjekin gjendjen e kapaciteteve spitalore, të kuadrit mjekësor dhe në bazë ditore sipas nevojave bëjmë edhe përshtatje, rotacione të punonjësve shëndetësor me qëllim që të përgjigjemi në këtë sfidë.
“Por, më e rëndësishme është mbështetja e qytetarëve, respektimi i tërësishëm i masave dhe solidariteti. Nëse këtë e kemi shumë shpejtë do ta tejkalojmë këtë gjendje. Tani kur në tërësi gradualisht kthehemi drejt aktiviteteve të rregullta të jetës më shumë se kurrë e rëndësishme është ta japim kontributin tonë në parandalimin e përhapjes së virusit. Të gjithë jemi së bashku në këtë betejë dhe secili nga ne është i rëndësishëm”, potencoi Filipçe në konferencën për shtyp.
Ai potencon se kanë mbajtur mbledhje me Komisionin për Sëmundje Infektive, Institutin për Shëndet Publik, Qendrat për shëndet publik dhe disa institucione shëndetësore publike, me laboratoritë ku bëhet diagnoza e virusit, në të cilat kanë biseduar për përvojën e deritanishme në luftën me virusin, aktivitetet dhe masat të cilat deri tani ishin ndërmarrë edhe për hapat e ardhshëm për ballafaqim me epideminë.
Organizata Botërore e Shëndetësisë, theksoi Filipçe, është partneri ynë strategjik i përgjithshëm në shumë segmente në shëndetësi, ndërsa ende më shumë tani prejse edhe ne përballemi me këtë sfidë të madhe shëndetësore botërore.
“Përfaqësuesja e OBSH-së në Shkup, Xhihan Tavila gjithë këto katër muaj jep mbështetje të madhe për sistemin tonë në ballafaqimin me virusin për çka dua të shpreh falënderim të madh. Zyra lokale e OBSH-së është në komunikim të përditshëm me Ministrinë e Shëndetësisë, me anëtarët e Komisionit për Sëmundje Infektive, si dhe me shumë faktorë tjerë në këtë proces. Kjo mbështetje në konsultime, rekomandime, donacione të cilën e marrim nga OBSH përveç asaj na jep edhe mirënjohje për përpjekjet, punën e palodhshme të punonjësve shëndetësor, institucionet dhe autoritetet në ballafaqimin me virusin”, tha Filipçe.
Prej në fund të janarit OBSH shpalli gjendje të jashtëzakonshme, potencoi ministri, e intensifikojmë këtë komunikim të ndërsjellë, i ndërmarrim të gjitha masat dhe rekomandimet të cilat i dha institucioni dhe e ngritëm nivelin e zgjuarsisë në nivel më të lartë madje edhe para se ta regjistrojmë rastin e parë në vendin tonë.
“Në periudhën në vijim vendosëm masa të dimensionuara me qëllim që ta mbrojmë shëndetin e qytetarëve dhe ta amortizojmë goditjen ndaj sistemit tonë shëndetësor, rregullisht informojmë për statistikën, vazhdimisht shpërndajmë rekomandime dhe informata tjera të rëndësishme, që ta ngritim vetëdijen në bashkësinë për virusin, praninë e tij dhe masat për mbrojtje të qytetarëve”, shtoi Filipçe në konferencën për shtyp në të cilën mbajti fjalim edhe këshilltari i drejtorit rajonal të OBSH-së për Evropë Fabio Skano./MIA