Kompania Eurostar njoftoi të martën se do të blinte deri në 50 trena të rinj me dy kate për t’u përdorur në të gjithë rrjetin e saj të trenave nga qytetet kryesore evropiane si Parisi, Brukseli, Amsterdami dhe Këlni për në stacionin e Londrës St Pancras nëpërmjet Tunelit të Kanalit.
Kompania tha se kishte arritur një marrëveshje prej 2 miliardë eurosh me prodhuesin francez Alstom për të blerë trenat e planifikuar tërësisht elektrikë “Celestia”, duke filluar nga viti 2031.
Eurostar e paraqet blerjen si një plan zgjerimi, duke thënë se 30 ose 50 trenat e rinj do të qarkullojnë përgjatë flotës së saj ekzistuese të prodhuar nga Siemens. Modelet e reja do të kenë 20% më shumë vende, një dysheme më të ulët dhe një tavan më të lartë se ato aktuale dhe secili prej tyre do të jetë në gjendje të mbajë më shumë se 1,000 pasagjerë.
Ato do të jenë 4.33 metra të larta, vetëm 16 cm më të larta se modelet E320 që janë aktualisht në përdorim.